الماتىدا قار كوشكىنى استىندا قالعان شاڭعىشى قازا بولدى

الماتىدا «تۇيىق سۋ» مۇزدىعىنىڭ سولتۇستىك بەتكەيىندە شاڭعى تەۋىپ، قار كوشكىنىن تۋدىرعان ەر ادام قازا تاپتى، دەپ حابارلايدى Kazinform.

қар көшкіні алматы
Фото: Фото: freepik.com

«بەلگىلى بولعانداي، ازامات ر. مەن ازامات ك. «تۇيىق سۋ» مۇزدىعىندا شاڭعى تەپكەن. ك. ەسىمدى ەر ادام شاڭعىمەن تومەن ءتۇسىپ، قار كوشكىنىنىڭ استىندا قالىپ قويعان. ونىڭ دەنەسىن قار استىنان دوسى الىپ شىقتى»، - دەپ حابارلادى قۇتقارۋ قىزمەتىنەن.

قۇتقارۋ قىزمەتىنىڭ ماماندارى ءمايىتتى شىمبۇلاققا ءتۇسىرىپ، كەيىن مەدەۋ اۋداندىق پوليتسيا باسقارماسىنىڭ جەدەل توبىنا تاپسىردى. ەكىنشى جابىرلەنۋشىنىڭ جاعدايى قاناعاتتانارلىق. وقيعانىڭ جاي- جاپسارى تەرگەۋ شارالارىنان كەيىن ناقتىلانادى.

ەسكە سالايىق، 15 -قازان كۇنى كەشكى ساعات 17:20-دا «109» قىزمەتىنىڭ قۇتقارۋشىلارى «تۇيىق سۋ» مۇزدىعىندا زارداپ شەككەن ادامدى ءتۇسىرۋ ءۇشىن اتتانعان بولاتىن.

اۆتور

الما مۇقانوۆا

سوڭعى جاڭالىقتار