الماتىدا مەكتەپ اس مازىرىنە ۇلتتىق تاعامدار ەنگىزىلۋى مۇمكىن
الماتى مەكتەپتەرىندە وقۋشىلارعا بەرىلەتىن تەگىن اس مازىرىنە ۇلتتىق تاعامدار ەنگىزىلۋى مۇمكىن. پيلوتتىق جوبا ءۇش مەكتەپتە جۇزەگە اسادى، دەپ حابارلايدى Kazinform.
جوبا باستاماشىسى - الماتى سەرۆيستىك قىزمەت كورسەتۋ كوللەدجى. ءبىلىم مەكەمەسى پيلوتتىق جوبانى «ۇلتتىق سالاۋاتتى تاماقتانۋ ورتالىعى» رەسپۋبليكالىق قوعامدىق بىرلەستىگىمەن بىرلەسىپ جۇزەگە اسىرادى.
«بۇگىنگى تاڭدا زەرتتەۋ جۇرگىزۋ ءۇشىن №135, №153, №201 ءۇش مەكتەپ تاڭدالدى. سونىمەن قاتار، اتالعان مەكتەپ وقۋشىلارىنىڭ اتا-انالارىنان رۇقسات الىندى. مەكتەپتەردە انتروپوتولوگيالىق زەرتتەۋ وتكىزىلدى. وقۋشىلارىمەن ساۋالناما جۇرگىزىلدى، اسحانا قىزمەتكەرلەرى وقىتىلىپ، تەكسەرىلىپ، سالاۋاتتى تاماقتانۋدى ناسيحاتتايتىن ءىس- شارالار ۇيىمداستىرىلدى. ايتا كەتەيىك، بۇل - ازىرگە تەك پيلوتتىق جوبا»، - دەپ حابارلادى قالالىق ءبىلىم باسقارماسىنان.
زەرتتەۋ جۇمىستارى 2024 -جىلدىڭ مامىرىنا دەيىن جالعاسادى.
بۇگىندە الماتىداعى مەملەكەتتىك ءبىلىم بەرۋ مەكەمەلەرىندە 134 مىڭنان استام باستاۋىش سىنىپ وقۋشىسى تەگىن تاماقپەن قامتىلعان.
اۆتور
الما مۇقانوۆا