الماتىدا شەكارا اكادەمياسىنىڭ كۋرسانتى قايتىس بولدى: ۇ ق ك تۇسىنىك بەردى
استانا. KAZINFORM - ۇلتتىق قاۋىپسىزدىك كوميتەتى بۇگىن تۇندە الماتىداعى شەكارا اكادەمياسى كۋرسانتىنىڭ ولىمىنە قاتىستى تۇسىنىكتەمە بەردى.
«2024 -جىلعى 22-قىركۇيەكتە الماتى قالاسىنىڭ كوپقاباتتى تۇرعىن ءۇيىنىڭ اۋلاسىنان كەزەكتى دەمالىسقا بوساتىلعان 3-كۋرس كۋرسانتىنىڭ ءمايىتى تابىلدى. ولىمىنە بيىكتەن قۇلاۋ سەبەپ بولعان. پوليتسيا ورگاندارى سوتقا دەيىنگى تەرگەۋدى باستادى. تۇرتكى بولعان جاعدايلار انىقتالىپ جاتىر»، - دەپ جازىلعان ۇ ق ك حابارلاماسىندا.
ايتا كەتەيىك، الەۋمەتتىك جەلىلەردە ۇ ق ك شەكارا اكادەمياسى كۋرسانتىنىڭ قازا تاپقانى تۋرالى اقپارات تارادى. تۇنگى ۋاقىتتا 19 جاستاعى جىگىت الماتىداعى دوستىق داڭعىلىنداعى كوپقاباتتى ۇيدەن سەكىرىپ كەتكەن. بۇل فاكتى بويىنشا مەدەۋ اۋداندىق پوليتسيا ءبولىمى قىلمىستىق ءىس قوزعادى.
«وقيعانىڭ سەبەبى مەن ءمان-جايى انىقتالىپ جاتىر»، - دەپ ءتۇسىندىردى قالالىق پوليتسيا دەپارتامەنتىنىڭ باسپا ءسوز قىزمەتى.
اۆتور
ەلميرا ورالبايەۆا
