الماتى وبلىسىنىڭ پوليتسيا دەپارتامەنتىنە جاڭا باسشى تاعايىندالدى
قونايەۆ. KAZINFORM - قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا ىشكى ىستەر ءمينيسترىنىڭ بۇيرىعىمەن مەيرام ابىكەيەۆ وبلىستىق پوليتسيا دەپارتامەنتىنىڭ باستىعى بولىپ تاعايىندالدى.
ىشكى ىستەر ءمينيسترى ەرجان سادەنوۆ جەدەل كەڭەستە جەكە قۇرامعا الماتى وبلىسى پوليتسيا دەپارتامەنتىنىڭ جاڭا باسشىسىن تانىستىردى.
پوليتسيا پولكوۆنيگى مەيرام ابىكەيەۆ بۇعان دەيىن سولتۇستىك قازاقستان وبلىسى ءى ءى د باستىعىنىڭ ورىنباسارى بولعان.
ەسكە سالايىق، الماتى وبلىسىنىڭ پوليتسيا دەپارتامەنتىن ەكى جىل باۋىرجان الەنوۆ باسقارعان بولاتىن.
ول وسى جىلدىڭ 7-قازانىندا مەملەكەت باسشىسىنىڭ وكىمىمەن قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى لاۋازىمىنا تاعايىندالدى.
باۋىرجان الەنوۆ 1976-جىلى 8-قاراشادا اقمولا وبلىسىندا دۇنيەگە كەلگەن. ىشكى ىستەر ورگاندارىندا 1997-جىلدىڭ مامىر ايىنان باستاپ قىزمەت ەتەدى.
