الماتى وبلىسىندا سوت زالىنان قاشىپ كەتكەن كۇدىكتى 13 كۇننەن كەيىن ۇستالدى
قونايەۆ. KAZINFORM - كۇدىكتى اقشي اۋىلىندا ۇستالدى.
الماتى وبلىسى پوليتسيا دەپارتامەنتىنىڭ مالىمەتىنشە، 1-ءساۋىر كۇنى قاراساي اۋدانارالىق مامانداندىرىلعان قىلمىستىق سوتىنىڭ اۋماعىنان قاشىپ كەتكەن كۇدىكتىنى ق ر ءى ءى م كريمينالدىق پوليتسيا دەپارتامەنتىنىڭ قىزمەتكەرلەرى ۇستاعان.
جەدەل-ىزدەستىرۋ ءىس-شارالارىنىڭ ناتيجەسىندە قاشقىننىڭ قوزعالۋ باعىتى انىقتالىپ، ءتارتىپ ساقشىلارى ونىڭ جاسىرىنعان جەرىن تاپقان.
- ارنايى ءبولىم ساربازدارىنىڭ كۇشىمەن كۇدىكتى ۇستالىپ، ۋاقىتشا ۇستاۋ يزولياتورىنا قامالدى. نەگىزگى قىلمىسىنان بولەك، وعان قاماۋدان قاشقانى ءۇشىن قىلمىستىق كودەكستىڭ ءتيىستى بابى بويىنشا قوسىمشا ايىپ تاعىلدى، - دەپ حابارلادى دەپارتامەنتتەن.
ەسكە سالايىق، بۇعان دەيىن الماتى وبلىسىندا ايىپتالۋشى سوت زالىنان قاشىپ كەتكەنىن جازعانبىز.
اۆتور
دوسبول اتاجان
