الماتى وبلىسىندا «الاتاۋ» يپوتەكالىق باعدارلاماسىنا قۇجات قابىلداۋ باستالادى
قونايەۆ. KAZINFORM - الماتى وبلىسىندا 25 -تامىز كۇنى «الاتاۋ» يپوتەكالىق باعدارلاماسىنا ءوتىنىم قابىلداۋ باستالادى. بۇل تۋرالى وبلىستىڭ تۇرعىن ءۇي-كوممۋنالدىق شارۋاشىلىق جانە اباتتاندىرۋ باسقارماسىنىڭ باسشىسى ديماش قوجابەكوۆ ايتتى.

ونىڭ سوزىنشە، باعدارلامانىڭ باستى ماقساتى - مەملەكەتتىك قىزمەتكەرلەر مەن سپورتشىلارعا، سونداي-اق بيۋدجەتتىك سالا ماماندارىنا قولجەتىمدى باسپانا بەرۋ. باعدارلاما اياسىندا 30 ميلليون تەڭگەگە دەيىن يپوتەكالىق نەسيە بەرىلەدى جانە پايىزدىق مولشەرلەمەسى %5 بولادى. ال باستاپقى جارنا مولشەرى - %10.
وعان قاتىسۋ ءۇشىن الماتى وبلىسىندا كەمىندە سوڭعى 24 اي رەسمي جۇمىس ءوتىلى تالاپ ەتىلەدى جانە ءوتىنىش بەرگەن كەزدە ادامنىڭ مەنشىگىندە ءۇيى بولماۋى كەرەك.
- باعدارلاماعا وبلىستىق بيۋدجەتتەن 3,146 ميلليارد تەڭگە، ال «وتباسى بانك» تاراپىنان قوسىمشا 629 ميلليون تەڭگە قارجى ءبولىندى. بۇل قارجى 120-دان استام ازاماتتى باسپانامەن قامتاماسىز ەتۋگە مۇمكىندىك بەرەدى، - دەدى ول.
ءوتىنىم قابىلداۋ 2025 -جىلدىڭ 25 -تامىزىندا باستالادى. قابىلداۋ ورنى - قونايەۆ قالاسى، قونايەۆ كوشەسى، 7/1، «وتباسى بانك» عيماراتى.
ەسكە سالايىق، بيىل «الماتى جاستارى» باعدارلاماسى بويىنشا 6626 ءوتىنىم ءتۇستى.
اۆتور
دوسبول اتاجان