الماتى تاۋلارىندا جوعالىپ كەتكەن 20 جاستاعى جىگىتتىڭ ءمايىتى تابىلدى

الماتى. KAZINFORM - بۇگىن «مولوديەجنىي» شىڭىندا جوعالعان جاس جىگىتتىڭ ءمايىتى تابىلدى.

الماتى قالاسى ت ج د مالىمەتىنشە، الماتى تاۋلارىندا 20 جاستاعى جىگىت ەكى تاۋلىككە جۋىق ىزدەستىرىلدى. ىزدەۋ- قۇتقارۋ وپەراتسياسىنا توتەنشە جاعدايلار مينيسترلىگىنىڭ تىكۇشاعى، قۇتقارۋ قىزمەتى، ت ج د ارنايى اپات-قۇتقارۋ قىزمەتى، رەسپۋبليكالىق جەدەل-قۇتقارۋ جاساعى، كينولوگتار مەن ەرىكتىلەر تارتىلدى.

ءمايىت تابىلعان ورىنعا باراتىن جولدا مۇزدىقتار بار بولعاندىقتان، قۇتقارۋشىلاردىڭ كوتەرىلۋى مەن ءتۇسۋى شامامەن 5 ساعاتقا سوزىلعان. قازىر وقيعا ورنىندا الماتى قالاسىنىڭ پوليتسيا دەپارتامەنتىنىڭ قىزمەتكەرلەرى مەن توتەنشە جاعدايلار دەپارتامەنتىنىڭ پسيحولوگى جۇمىس ىستەپ جاتىر.

- ىزدەۋ- قۇتقارۋ جۇمىستارىنا ت ج م تىكۇشاعى، 50-دەن استام قۇتقارۋشى مەن ەرىكتى، 8 ۇشقىشسىز ۇشۋ اپپاراتى (درون)، 8 تەحنيكا، 3 كينولوگيالىق ەسەپ جۇمىلدىرىلدى، - دەپ حابارلادى ت ج د.

ەسكە سالايىق، بۇعان دەيىن الماتى تاۋلارىندا 20 جاستاعى جىگىت ىزدەستىرىلىپ جاتقانىن جازعانبىز.

اۆتور

دوسبول اتاجان