الماتى-گۋاڭجوۋ باعىتى بويىنشا قىتايعا جاڭا مارشرۋتتار اشىلادى

استانا. KAZINFORM – ق ر كولىك مينيسترلىگى تۇراقتى نەگىزدە ۇشۋ گەوگرافياسىن كەڭەيتۋ جانە قولدانىستاعى مارشرۋت بويىنشا رەيستەر سانىن ۇلعايتۋ بويىنشا جۇمىس جۇرگىزىپ جاتىر. بۇل تۋرالى ق ر كولىك مينيسترلىگىنىڭ باسپا ءسوز قىزمەتى حابارلادى.

Тағы бір ақаулы ұшақ Ақтау әуежайына қонды
Фото: Солтан Жексенбеков/Kazinform

2025 -جىلدىڭ ناۋرىز ايىنان باستاپ «Air Astana» اۋەكومپانياسى ۆەتنامعا اپتاسىنا 4 رەت جيىلىكپەن الماتى- نياچانگ جانە اپتاسىنا 3 رەت جيىلىكپەن استانا- نياچانگ باعىتتارى بويىنشا جانە اپتاسىنا 3 رەت جيىلىكپەن الماتى- گۋاڭجوۋ باعىتى بويىنشا قىتايعا جاڭا مارشرۋتتار اشادى.

كوكتەمگى-جازعى ماۋسىمىنان باستاپ «Air Cairo» اۋەكومپانياسى اپتاسىنا 1 رەت جيىلىكپەن قوستاناي-شارم-ەل-شەيح جانە اپتاسىنا 2 رەت جيىلىكپەن الماتى- حۋرگادا باعىتىندا رەيستەر اشۋدى جوسپارلاپ وتىر. سونداي-اق اپتاسىنا 1 رەيس جيىلىگىمەن الماتىدان ەل-الامەينگە رەيستەردى قايتا باستاۋ جوسپارلانىپ وتىر.

جاڭا باعىتتاردىڭ اشىلۋى ەلدەر اراسىنداعى ساۋدا- ەكونوميكالىق، ىسكەرلىك جانە تۋريستىك ىنتىماقتاستىقتى ودان ءارى دامىتۋعا ىقپال ەتەتىن بولادى.

سوڭعى جاڭالىقتار