الەمگە تارايتىن «امەريكا داۋىسى» ا ق ش-تا نەگە تاراتىلمادى؟

استانا. قازاقپارات - بۇكىل دۇنيەجۇزىنە تارايتىن «امەريكا داۋىسى» راديو ستانسىسى ا ق ش-تىڭ وزىندە نەگە تاراتىلماي كەلدى؟

1942-جىلى ناسيستىك ۇگىت-ناسيحاتقا قارسى ساياساتتى جۇرگىزۋ ماقساتىندا «امەريكا داۋىسى» راديوستانسىسى قۇرىلىپ، سوعىستان كەيىن 40 تىلدە تارالدى. ال قىرعيقاباق سوعىسى كەزىندە امەريكالىق ۇگىت-ناسيحاتتىڭ اسا كۇشتى قۇرالىنا اينالدى.

قاراپايىم امەريكالىقتاردىڭ بۇرمالانعان اقپاراتتاردى تۇتىنۋىنان قاۋىپتەنگەن كونگرەسس 1948-جىلى سميت-مۋندت زاڭىن قابىلداپ، ا ق ش تۇرعىندارىنا مەملەكەتتىك دەپارتامەنتكە «امەريكا داۋىسى»، «ازاتتىق راديوسى» جانە وزگە دە ب ا ق ارقىلى تىكەلەي حابار تاراتۋعا تىيىم سالدى.

دەگەنمەن سول تىيىمعا قاراماستان، قىسقا تولقىندى قابىلداعىش ارقىلى، كەيىنىرەك ينتەرنەت ارقىلى راديونى تىڭداي الدى. بۇل شەكتەۋ 2013-جىلى الىنىپ تاستالدى.