الەم چەمپيوناتى: قازاقستان حوككەي قۇراماسى بۇگىن ا ق ش- پەن كەزدەسەدى

استانا. KAZINFORM - بۇگىن، 19-مامىردا شايبالى حوككەيدەن الەم چەمپيوناتى ەليتالىق ديۆيزيونىندا قازاقستان قۇراماسى ءۇشىنشى كەزدەسۋىندە ا ق ش- قا قارسى وينايدى.

الەم چەمپيوناتىندا قازاقستاندىق حوككەيشىلەر ۆ توبىندا فرانسيا، سلوۆاكيا، لاتۆيا، شۆەتسيا، گەرمانيا، ا ق ش جانە پولشامەن سىنعا ءتۇسىپ جاتىر.

ءدۇبىرلى دودا 10-26-مامىر ارالىعىندا چەحيانىڭ پراگا جانە وستراۆا قالالارىندا ءوتىپ جاتىر.

قازاقستان مەن ا ق ش كەزدەسۋى ساعات 19.20-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.

ەكى قۇراما بۇعان دەيىن 6 مارتە كەزدەستى. ونىڭ بارلىعىندا قازاقستاندىق حوككەيشىلەر قارسىلاسىنا ەسە جىبەردى.

ودان كەيىن ەل قۇراماسى 20-مامىردا پولشا حوككەيشىلەرىمەن شەبەرلىك بايقاسادى.

ايتا كەتسەك، بۇدان بۇرىن قازاقستاندىق حوككەيشىلەر فرانسيانى 3:1 ەسەبىمەن جەڭسە، سلوۆاكياعا 2:6، لاتۆياعا 0:2، شۆەتسياعا 1:3، گەرمانياعا 2:8 ەسەبىمەن ەسە جىبەردى.

اۆتور

ءادىلجان ۇمبەت