الماتى - قورعاس اۆتوجولىندا ەكى كولىك سوقتىعىسىپ، ءۇش ادام مەرت بولدى

وبلىستىق پوليتسيا دەپارتامەنتىنىڭ مالىمەتىنشە، Haval اۆتوكولىگىنىڭ جۇرگىزۋشىسى قارسى باعىتتاعى جولاققا شىعىپ كەتىپ، Audi 100 اۆتوكولىگىمەن سوقتىعىسقان. جول-كولىك وقيعاسى سالدارىنان Audi اۆتوكولىگىنىڭ جۇرگىزۋشىسى مەن ەكى جولاۋشىسى العان دەنە جاراقاتتارىنان وقيعا ورنىندا كوز جۇمدى. پوليتسيا بۇل دەرەك بويىنشا قىلمىستىق ءىس قوزعادى.

- قازىرگى ۋاقىتتا قاجەتتى تەرگەۋ ارەكەتتەرىنىڭ تولىق كەشەنى جۇرگىزىلىپ جاتىر. كىنالى جۇرگىزۋشى قاماۋعا الىندى. وقيعانىڭ بارلىق ءمان-جايى مەن سەبەپتەرى انىقتالىپ جاتىر. تەرگەۋ بارىسى وبلىستىق پوليتسيا دەپارتامەنتى باسشىلىعىنىڭ ەرەكشە باقىلاۋىندا، - دەپ حابارلادى دەپارتامەنتتەن.

ەسكە سالايىق، كوكشەتاۋدا ادام ولىمىمەن اياقتالعان جول اپاتىنا قاتىستى ۇكىم شىقتى.