الاكولدىك قورىقشىلار مۇز ۇستىندە جۇرە الماي قالعان ەلىكتى قۇتقاردى

تالدىقورعان. KAZINFORM - جەتىسۋ وبلىسىندا قورىقشىلار مۇزدا جاتىپ قالعان ءسىبىر ەلىگىن قامىستى جاعالاۋعا شىعاردى.

الەۋمەتتىك جەلىدە قورىقشىلاردىڭ ەلىكتى قۇرعاققا شىعارىپ جاتقان جازباسى تارادى. الاكول مەملەكەتتىك تابيعي قورىعىنىڭ قىزمەتكەرلەرى رەيدتىك ءىس-شارالار بارىسىندا مۇز ۇستىنە شىعىپ، جۇرە الماي قالعان ءسىبىر ەلىگىن كەزدەستىرگەن.

ينسپەكتورلار جانۋاردى جاعالاۋعا جەتكىزىپ، قاۋىپسىز جەرگە بوساتتى.

- 9، 10- اينالىمداردى كول جاعالاۋلارىن باقىلاۋ بارىسىندا مۇزدا جۇرە الماي قالعان ەلىكتى كوردىك. السىرەپ قالعان جانۋار جاعالاۋعا جىبەرىلدى، - دەلىنگەن جازبادا.

ەسكە سالايىق وسىعان دەيىن جەتىسۋ وبلىسىندا براكونەردەن 100 كەلىدەن اسا بالىق، 16 دانا تەمىر تور تاركىلەنگەنىن جانە ت ج م قۇتقارۋشىلارى قار قۇرساۋىنان 2 ادامدى قۇتقارعانىن جازعانبىز.

ايبەك قۇتتىبەك