اكىمشىلىك ايىپپۇل تولەۋ: جاڭا پيلوتتىق جوبا ىسكە قوسىلدى

استانا. KAZINFORM - تاراز قالاسىندا اكىمشىلىك ايىپپۇلدى تولەۋدى جەڭىلدەۋ ماقساتىندا «وڭايلاتىلعان ءىس جۇرگىزۋ» پيلوتتىق جوباسى ىسكە قوسىلدى.

اتالعان قىزمەت «مەملەكەتتىك كورسەتىلەتىن قىزمەتتەر تۋرالى» قازاقستان رەسپۋبليكاسى زاڭىنىڭ 22-بابىنا سايكەس جۇزەگە اسىرىلۋدا. سونىمەن قاتار پيلوتتىق جوبا اياسىندا اۆتوماتتاندىرىلعان اقپاراتتىق جۇيەسىنىڭ جۇمىس الگوريتمى بەكىتىلگەن.

«ادىلەت مينيسترلىگىنىڭ ماجبۇرلەپ ورىنداتۋ دەپارتامەنتى جانە قازاقستان رەسپۋبليكاسى جەكە سوت ورىنداۋشىلارىنىڭ رەسپۋبليكالىق پالاتاسى (كەلىسىم بويىنشا) پيلوتتىق جوباعا ادىستەمەلىك قولداۋ كورسەتسىن. سونداي-اق ادىلەت مينيسترلىگىنىڭ سيفرلاندىرۋ جانە مەملەكەتتىك قىزمەتتەردى اۆتوماتتاندىرۋ دەپارتامەنتى جانە جەكە سوت ورىنداۋشىلارىنىڭ رەسپۋبليكالىق پالاتاسى (كەلىسىم بويىنشا) پيلوتتىق جوبانى تەحنيكالىق سۇيەمەلدەۋدى قامتاماسىز ەتسىن»، - دەلىنگەن ق ر نورماتيۆتىك قۇقىقتىق اكتىلەرىنىڭ ەلەكتروندىق تۇردەگى ەتالوندىق باقىلاۋ بانكىنىڭ رەسمي سايتىندا.

پيلوتتىق جوبا 2024 -جىلعى 31-جەلتوقسانعا دەيىن قولدانىلادى.

ايتا كەتەيىك، «وڭايلاتىلعان ءىس جۇرگىزۋ» پيلوتتىق جوباسىن ىسكە اسىرۋعا ادىلەت مينيسترلىگى مەن سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى جاۋاپتى.

پيلوتتىق جوبانىڭ جۇمىس الگوريتمىمەن سىلتەمە ارقىلى تانىسۋعا بولادى.