ادىلەت ءمينيسترى م. تەتچەر وردەنىنىڭ ساتىلۋى جونىندە پىكىر ءبىلدىردى

استانا. KAZINFORM – ق ر ادىلەت ءمينيسترى ازامات ەسقارايەۆ بريتاندىق ساياساتكەر مارگارەت تەتچەرگە تيەسىلى «دوستىق» وردەنىنىڭ ساتىلۋى جونىندە پىكىر ءبىلدىردى.

«بۇل اقپاراتتان حاباردارمىز. ارينە، ءبىزدىڭ زاڭناما بويىنشا مەملەكەتتىك ناگرادالاردى ساتۋعا بولمايدى. بۇل ءۇشىن ءبىزدىڭ قىلمىستىق كودەكستە جاۋاپكەرشىلىك بار. ەگەر ادام مەملەكەتتىك ناگرادالاردى ساۋدالاسا، ءتيىستى جاۋاپكەرشىلىككە تارتىلادى. مارگارەت تەتچەر تاريحي تۇلعا بولعاندىقتان، ولاردىڭ جەكە زاتتارىن، قۇجاتتارى مەن حاببارىن اۋكسيونعا شىعارۋ تاجىريبەسى بار. بۇل ولاردىڭ مادەنيەتىنىڭ ءبىر بولىگى»، - دەدى مينيستر م. نارىكبايەۆ اتىنداعى ۋنيۆەرسيتەتتە تىلشىلەرگە بەرگەن سۇحباتىندا.

تىلشىلەر مينيستردەن ءدال وسى وقيعا بويىنشا تەكسەرۋ جۇرگىزۋ مەن جاۋاپقا تارتۋ شارالارى جۇرگىزىلە مە دەپ سۇرادى.

ءوز كەزەگىندە ا. ەسقارايەۆ بۇل سۇراق سىرتقى ىستەر جانە مادەنيەت مينيسترلىكتەرىنىڭ قۇزىرەتىندە ەكەنىن ايتتى.

بۇعان دەيىن ب ا ق بەتتەرىندە مارگارەت تەتچەرگە تابىستالعان «دوستىق» وردەنىنىڭ ساتىلىمعا شىعارىلعانى حابارلانعان ەدى.

بۇل ماراپات مارگارەت تەتچەرگە 2001-جىلى قازاقستان مەن ۇلى بريتانيا اراسىنداعى قارىم-قاتىناستاردى دامىتۋعا قوسقان ۇلەسى ءۇشىن بەرىلگەن.