ادال كاسىپكەرلەردىڭ الاڭداۋىنا ەش نەگىز جوق - ءاليحان سمايىلوۆ

ق ر پرەمەر-ءمينيسترى ءاليحان سمايىلوۆ «24KZ» تەلەارناسىنا بەرگەن سۇحباتىندا 2024-جىلى بيزنەستى تەكسەرۋگە موراتوري الىنىپ تاستالعاننان كەيىن قازاقستاندىق كاسىپكەرلەردى نە كۇتىپ تۇرعانى تۋرالى ايتتى، دەپ حابارلايدى Kazinform.

ۇكىمەت باسشىسى شاعىن جانە ورتا بيزنەس كەز كەلگەن ەلدىڭ ەكونوميكاسى مەن تۇراقتىلىعىنىڭ نەگىزى ەكەنىن اتاپ ءوتتى. سوندىقتان مەملەكەت قولايلى بيزنەس-ورتانى قۇرۋعا ۇلكەن ءمان بەرىپ وتىر.

«ءبىز بيزنەس قاۋىمداستىقپەن بىرلەسىپ، كاسىپكەرلىكتىڭ دامۋىنا كەدەرگى كەلتىرەتىن شەكتەن تىس تالاپتاردى انىقتاۋ بويىنشا ۇلكەن جۇمىس اتقاردىق. ناتيجەسىندە 10 مىڭنان استام نەگىزسىز تالاپتى انىقتادىق. بۇگىندە ونىڭ 9 مىڭىنىڭ كۇشى جويىلدى. قالعانى كەلەر جىلدىڭ باسىندا پارلامەنتتە ءتيىستى زاڭ قابىلدانعاننان كەيىن الىنىپ تاستالادى»، - دەدى ءاليحان سمايىلوۆ.

ونىڭ ايتۋىنشا، تاۋەكەلدەردى باسقارۋ جۇيەلەرىن اۆتوماتتاندىرۋ بويىنشا دا جۇمىستار جۇرگىزىلدى. بۇل ادامي فاكتوردى جويا وتىرىپ، تەكسەرۋلەردى جوسپارلاۋعا مۇمكىندىك بەرەدى. ناتيجەسىندە ولاردىڭ سانى 2 ەسەگە قىسقارادى. جالپى زاڭعا باعىناتىن كاسىپكەرلەرگە اكىمشىلىك قىسىم ازايادى.

«وسىلايشا، موراتوريي اياقتالعاننان كەيىن ەلدە جاپپاي تەكسەرۋلەر بولماۋى كەرەك. ادال كاسىپكەرلەردىڭ الاڭداۋىنا ەش نەگىز جوق»، - دەدى پرەمەر-مينيستر.

ول بيزنەستىڭ پروبلەمالارى مينيسترلىكتەر مەن ۇكىمەتتىڭ ءتۇرلى الاڭدارىندا تۇراقتى تۇردە جان-جاقتى تالقىلاناتىنىن ايتتى. ولاردىڭ كوبى شەشىمىن تاپتى.

ۇكىمەت باسشىسىنىڭ ايتۋىنشا، شاعىن جانە ورتا بيزنەستىڭ ەكونوميكاداعى ۇلەسى ج ءى ءو- ءنىڭ %36,5 ىنا دەيىن ءوستى. بيىلدىڭ وزىندە مۇندا جۇمىسپەن قامتىلعاندار سانى 500 مىڭعا ارتىپ، 4,3 ميلليون ادامعا جەتتى. ءوسۋ قارقىنى شامامەن %14 قۇرادى.

«بۇل رەتتە ءبىزدىڭ الدىمىزدا ورتا مەرزىمدى پەرسپەكتيۆادا شوب ۇلەسىن ج ءى ءو- ءنىڭ %40 ىنا دەيىن ارتتىرۋ مىندەتى تۇر. بۇل ەلىمىزدىڭ ودان ءارى تۇراقتى دامۋىنا نەگىز بولادى»، - دەپ تۇيىندەدى ول.