ماعزۇم مىرزاعاليەۆ: قازاقستان ا ق ش ينۆەستيتسياسى ءۇشىن نەگىزگى الاڭعا اينالۋعا دايىن

بۇل تۋرالى قازاقستان رەسپۋبليكاسى پرەزيدەنتىنىڭ كەڭەسشىسى ماعزۇم مىرزاعاليەۆ ايتتى.

ماعزۇم مىرزاعاليەۆتىڭ ايتۋىنشا، ەكى ەل اراسىنداعى ەكونوميكالىق ىنتىماقتاستىق تۇراقتى تۇردە نىعايىپ كەلەدى.

- تەك وتكەن جىلدىڭ وزىندە C5+1 سامميتى اياسىندا جالپى قۇنى 17,2 ميلليارد ا ق ش دوللارىن قۇرايتىن كوممەرتسيالىق كەلىسىمدەرگە قول قويىلدى، - دەدى پرەزيدەنت كەڭەسشىسى استانادا وتكەن «قازاقستان -امەريكا» دوڭگەلەك ۇستەلى بارىسىندا.

ول قازاقستان امەريكالىق سەرىكتەستەرمەن ىنتىماقتاستىقتى ودان ءارى دامىتۋ ءۇشىن ءبىرقاتار پەرسپەكتيۆالى باعىتتى قاراستىرىپ وتىرعانىن اتاپ ءوتتى.

- ءبىز ستراتەگيالىق ماڭىزدى پايدالى قازبالار، سيفرلىق تەحنولوگيالار، جوعارى تەحنولوگيالىق ءوندىرىس، جاساندى ينتەللەكت، ەنەرگەتيكا جانە ينفراقۇرىلىم سالالارىنداعى ىنتىماقتاستىقتى تەرەڭدەتۋگە زور مۇمكىندىك كورىپ وتىرمىز، - دەدى ماعزۇم مىرزاعاليەۆ.

پرەزيدەنت كەڭەسشىسىنىڭ سوزىنشە، ورتالىق ازياداعى ەڭ ءىرى ەكونوميكا رەتىندە قازاقستان امەريكالىق ينۆەستيتسيالاردى تارتۋ جانە ا ق ش بيزنەسىنىڭ وڭىردەگى قاتىسۋىن كەڭەيتۋ ءۇشىن بارلىق مۇمكىندىككە يە.

- ەكونوميكالىق رەفورمالاردى جالعاستىرۋعا، اشىقتىقتى قامتاماسىز ەتۋگە جانە ينۆەستورلارعا قولايلى ساياسات جۇرگىزۋگە دەگەن ۇستانىمىمىز كومپانيالارعا قازاقستاندا ينۆەستيتسيا سالىپ، دامىپ، ۇزاق مەرزىمدى سەرىكتەستىك ورناتۋعا سەنىم بەرەدى، - دەپ تۇيىندەدى ماعزۇم مىرزاعاليەۆ.

بۇعكن دەيىن سەرىك جۇمانعارين امەريكالىق بيزنەس ءۇشىن پەرسپەكتيۆالى سالالاردى اتاعان ەدى.