ماڭعىستاۋداعى قايعىلى وقيعا: قورعانىس مينيسترلىگى جۇيەسىنەن بەس لاۋازىمدى تۇلعا ۇستالدى
استانا. KAZINFORM - قىزمەتكە سالعىرت قاراۋ جانە كورابل جۇرگىزۋ قاعيدالارىن بۇزۋ بويىنشا اۋىر زارداپتارعا اكەپ سوققان قىلمىستىق قۇقىق بۇزۋشىلىقتار جاسادى دەگەن كۇدىكپەن قازاقستان رەسپۋبليكاسى قارۋلى كۇشتەرىنىڭ جوعارى جانە اعا كوماندالىق قۇرامىنداعى جاۋاپتى لاۋازىمدى تۇلعالار ۇستالدى.
ۇستالعانداردىڭ قاتارىندا – ق ر ق ك اسكەري- تەڭىز كۇشتەرى باس قولباسشىسىنىڭ ءبىرىنشى ورىنباسارى - شتاب باستىعى، ەكى اسكەري ءبولىمنىڭ كومانديرى، سونداي-اق تەڭىز جاياۋ اسكەرلەرى روتاسىنىڭ جانە «قايسار» كاتەرىنىڭ كومانديرلەرى بار.
ولاردىڭ بارلىعى كۇدىكتى دەپ تانىلىپ، اقتاۋ قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى.
«حازار قورعانى - 2026» وقۋ-جاتتىعۋى كەزىندە اسكەري قىزمەتشىلەردىڭ قازا بولۋ فاكتىسى بويىنشا ءى ءى م- ءنىڭ اسكەري-تەرگەۋ بولىمشەسى سوتقا دەيىنگى تەرگەپ-تەكسەرۋ جۇرگىزىلىپ جاتىر.
24-قىركۇيەكتە كاسپي تەڭىزىنىڭ جاعالاۋىندا، اقتاۋ قالاسىنان 43 شاقىرىم جەردە وقۋ-جاتتىعۋ بارىسىندا «قايسار» كاتەرىنەن جەكە قۇرامدى ءتۇسىرۋ كەزىندە قولايسىز مەتەورولوگيالىق جاعدايدا اسكەري قىزمەتشىلەردى تەڭىز اعىسى الىپ كەتكەنى انىقتالدى.
تەرگەۋ بارىسىندا وقۋ- جاۋىنگەرلىك مىندەتتى ۇيىمداستىرۋ جانە ورىنداۋ كەزىندە شەشىمدەردىڭ قابىلدانۋ ءمان-جايلارى، قاۋىپسىزدىك تالاپتارىنىڭ ساقتالۋى، گيدرومەتەورولوگيالىق جاعدايدىڭ ەسكەرىلۋى، كاتەردىڭ تەحنيكالىق جاي-كۇيى، سونداي-اق وقۋ-جاتتىعۋدى وتكىزۋگە جانە جەكە قۇرامنىڭ قاۋىپسىزدىگىنە جاۋاپتى لاۋازىمدى تۇلعالاردىڭ ارەكەتتەرى زەردەلەنىپ جاتىر.
قاجەتتى تەرگەۋ جانە پروتسەستىك ءىس-شارالار جۇرگىزىلىپ جاتىر. بارلىق كۇدىكتى تۇلعالاردىڭ ارەكەتتەرىنە زاڭدا بەلگىلەنگەن تارتىپپەن قۇقىقتىق باعا بەرىلەدى.
سوتقا دەيىنگى تەرگەپ-تەكسەرۋ بارىسى قازاقستان رەسپۋبليكاسى ىشكى ىستەر مينيسترلىگى مەن باس پروكۋراتۋراسىنىڭ ەرەكشە باقىلاۋىندا.
