ماڭعىستاۋداعى قايعىلى جاعداي: قارين مەملەكەتتىك ورگانداردىڭ جۇمىسىن ۇيلەستىرۋ جونىندە كەڭەس وتكىزدى
استانا. KAZINFORM - ۆيتسە-پرەزيدەنت ەرلان قارين ماڭعىستاۋ وبلىسىنداعى قايعىلى وقيعاعا بايلانىستى مەملەكەتتىك دەڭگەيدە قابىلدانىپ جاتقان شەشىمدەردى ىسكە اسىرۋ شارالارى، سونداي-اق اقپاراتتىق- ءتۇسىندىرۋ جۇمىستارىنىڭ ماسەلەلەرى تالقىلانعان كەڭەس وتكىزدى.
- ماڭعىستاۋدا بولعان قايعىلى جاعدايعا بايلانىستى مەملەكەتتىك دەڭگەيدە قابىلدانىپ جاتقان شارالار مەن شەشىمدەردى جۇزەگە اسىرۋ، اقپاراتتىق ءتۇسىندىرۋ جۇمىستارىن جۇرگىزۋ جانە باسقا دا ماڭىزدى ماسەلەلەر تالقىلاندى، - دەدى ول.
ەرلان قاريننىڭ مالىمەتىنشە مەملەكەتتىك قۇرىلىمدار مەن قوعامدىق ۇيىمداردىڭ ءوزارا ۇيلەسىمدى جۇمىسىن قامتاماسىز ەتۋگە دە باسا نازار اۋدارىلدى.
ەسكە سالايىق، كاسپيدەگى قايعىلى وقيعا 24-قىركۇيەكتە وقۋ-جاۋىنگەرلىك تاپسىرمانى ورىنداۋ كەزىندە بولدى. اۋا رايىنىڭ كۇرت ناشارلاپ، جەلدىڭ كۇشەيۋى سالدارىنان اسكەري قىزمەتشىلەردى تەڭىز اعىزىپ اكەتتى.
بۇعان دەيىن مەملەكەت باسشىسى قورعانىس مينيسترلىگىندەگى احۋالدى كەشەندى تەكسەرۋ جونىندەگى كوميسسيا قۇرۋدى تاپسىرعان بولاتىن. كوميسسياعا اتقارىلعان جۇمىستىڭ العاشقى ناتيجەلەرى تۋرالى پرەزيدەنتكە جەتى كۇن ىشىندە بايانداۋ تاپسىرىلدى.
