ابايدىڭ قازا بولاتىنىن ءبىر-اق نارسەدەن ءبىلدىم: ورازبايدىڭ ويلى جاۋابى

 سوندى اباي اقىرىن عانا (ورازبايدىڭ اتىن اتامايدى ەكەن): «باي، دۇرىس ايتاسىڭ، دۇرىس ايتاسىڭ»، - دەپتى دە قويىپتى. سول كەزدە دەمىن ىشىنە تارتقان جۇرت تىسقا شىققان سوڭ: «ءوزى قان جۇتىپ قايعىرىپ وتىرعان ادامعا مۇنداي ءسوزدى ءداتىڭ شىداپ قالاي عانا ايتتىڭ؟»، - دەپ ورازبايدى جان-جاعىنان جاۋكەمدەگەن عوي.

 سوندا ورازباي: «ەەە، سەندەر نە ءبىلۋشى ەدىڭدەر؟! ماعان اقىل ايتپاڭدار، تەگى. ءومىر باقي باققانىم دا، الىسقانىم دا وسى اباي بولدى. مەنەن ارتىق ابايدى قايسىلارىڭ جاقسى بىلەسىڭدەر؟ ەسىل سابازدىڭ پەيىلى و دۇنيەگە قاراپ كەتكەن ەكەن. ەندى كوپ تۇراقتاماس»، - دەپتى. سوندا جۇرت: «ونى قايدان ءبىلدىڭ؟»، - دەگەندە، «ونىڭ قازا بولاتىنىن ءبىر-اق نارسەدەن ءبىلدىم. ول ەشقاشان دا ءبىر ءسوزدى ەكى ايتپايتىن ادام ەدى. جاڭا سەندەر سەپ بولار دەپ ءسوز سويلەپ جاتقاندا، «راقمەت، حالقىم، پەيىلدەرىڭە راقمەت»، - دەپ ءبىر ەمەس، بىرنەشە رەت قايتالادى. ەسىل ابايدىڭ ولەتىنىن وسىدان ءبىلدىم»، - دەگەن ەكەن.

ىقىلاس وجاي ۇلى، اقىن جۋرناليست: «وركەنيەتتىڭ نەگىزگى ولشەمى - ەركىن ويلاۋ». (قازاق ادەبيەتى، 13 -ناۋرىز 2020 -جىل)

ءبىزدىڭ ۆاتساپ كانالىمىزعا جازىلا كەتىڭىز.