اباي وبلىسىنىڭ كاسىپكەرى قىمىزدان بالمۇزداقتىڭ 18 ءتۇرىن شىعارادى
سەمەي. قازاقپارات - 2019-جىلى 21 جاسار ايدىن سەرىكقازين قىمىزدان بالمۇزداق ءوندىرۋ يدەياسىمەن «اتامەكەن» كاسىپكەرلەر پالاتاسىنان 505 مىڭ تەڭگە كولەمىندە گرانت جەڭىپ الدى.
2020-جىلى «بيزنەستىڭ جول كارتاسى-2025» باعدارلاماسى بويىنشا ول 5 ميلليون تەڭگە كولەمىندە وتەۋسىز گرانت الدى.
بۇل قارجىعا جاس كاسىپكەر سەمەي قالاسىندا قىمىز بەن ساۋمالدان بالمۇزداق شىعاراتىن شاعىن سەح اشتى. سودان كەيىن اۆتورلىق قۇقىق الىپ، «Qazice» اتتى ءونىمىن پاتەنتتەدى.
قازىر ايدىن استانا، الماتى، بالقاش، وسكەمەن، سەمەي قالالارىندا جانە الاكول دەمالىس ورتالىعىندا قىمىز، ساۋمال، سونداي-اق ءتۇرلى جەمىستەردەن جاسالعان بالمۇزداقتىڭ 18 دەن استام ءتۇرىن ساتادى.
شىمكەنت پەن تۇركىستاندا Qazice ساتۋ نۇكتەلەرىن اشۋ جوسپارلانۋدا. ءونىم حالىق اراسىندا جاقسى سۇرانىسقا يە.
ۇلتتىق برەندتى ىلگەرىلەتۋ جانە وتاندىق ءونىمدى شەتەلدە تانىمال ەتۋ ماقساتىندا گەوگرافيالىق كورسەتكىشتى تىركەۋگە ءوتىنىم بەرىلدى.
