اڭ-قۇسقا 290 تونناعا جۋىق جەم-ءشوپ دايىندالدى
استانا. قازاقپارات- ەل داستارحان جايىپ، جاڭا جىلدى قارسى الۋعا دايىندالىپ جاتسا، قاتونقاراعاي ۇلتتىق تابيعي پاركىندە بيوتەحنيكالىق شارالار باستالدى. ويتكەنى قاقاعان قىستا ورمان-تاۋ ىشىندەگى اڭ-قۇسقا قورەك تابۋ قيىن.
مۇنداعى قاردىڭ قالىڭدىعى قازىر 50-60 س م- گە جەتكەن. الدا ءالى دە قار تۇسەدى. اياز دا بولادى. دەمەك قازىردەن قام جاساماسا بولمايدى. پارك قىزمەتكەرلەرى وسى كۇنگە دەيىن جانۋارلارعا ارناپ 27 توننا ءشوپ، 3 مىڭ كەلى جەم جانە 4 مىڭ كەلى تۇز شاشقان. ومبى قاردا ازىقتان تارىققان ەلىك، مارال، قويان، جابايى قابان سىندى ءتۇز تاعىلارى ءۇشىن بۇل ۇلكەن كومەك.
قاتونقاراعايدا قىس 6-7-ايعا سوزىلادى. سوندىقتان قامبادا قوسىمشا 290 توننا جەم ءشوپ، 27 كەلى تۇز بار. ورمان قورعاۋشىلار جاڭا جىلدىق مەرەكە كەزىندە دە دەمالماي، بۇل جۇمىستى جۇيەلى تۇردە جالعاستىرا بەرەدى.
ارناس اۋعانبايەۆ، قاتونقاراعاي مەملەكەتتىك ۇلتتىق تابيعي پاركى ديرەكتورىنىڭ ورىنباسارى:
- تاۋلى ايماققا قار قالىڭ ءتۇستى، ءبىزدىڭ ءار ينسپەكتورلىق اينالىمىندا ءوزىنىڭ قورەكتەندىرەتىن جەرلەرى دايىندالىپ، شوپتەرى، بەينەكتەر، سول جەرلەرگە كەلىپ جەم، تۇزدار سالادى. ەندى بىزدە قازىر جەلتوقسان ايلارىندا كوپ مەرەكەلىك كۇندەر بار، سوعان قاراماستان ءبىزدىڭ ينسپەكتورلىق قۇرام مەرەكە، دەمالىس كۇندەرىنە قاراماي تولىعىمەن جۇمىس اتقارىپ وتىرامىز جانە ورمانعا دەمالۋشىلار دا كوپ كەلەدى.
