ا ق ش يادرولىق ۇشتىك دايىندىعىن ساقتاۋ ءۇشىن جۇمىس ىستەپ جاتىر
استانا. KAZINFORM – ا ق ش اسكەري- اۋە كۇشتەرى ەلدىڭ يادرولىق ۇشتىگىنىڭ بومبالاۋشى جانە جەر ءۇستى زىمىران قۇرامداستارىنىڭ جاۋىنگەرلىك ازىرلىگىن ساقتاۋ ماسەلەسىن شەشىپ جاتىر، دەپ حابارلايدى Kazinform مەنشىكتى ءتىلشىسى ا ق ش قورعانىس مينيسترلىگىنە سىلتەمە جاساپ.
ا ق ش اسكەري-اۋە كۇشتەرىنىڭ جاھاندىق سوققىعا قارسى قولباسشىلىعىنىڭ باسشىسى گەنەرال توماس بيۋسسەر بۇل تۋرالى ميتچەلل ايەروعارىشتىق زەرتتەۋلەر ينستيتۋتىندا بەرگەن سۇحباتىندا مالىمدەدى.
- قازىر الەم مەنىڭ (بۇكىل) مانسابىمداعىدان دا قاۋىپتى. وسىمەن قوسا، بىزدە قازىر بۇكىل يادرولىق ۇشتىكتى قايتا كاپيتالداندىرۋ بار. ەندەشە، بولاشاقتىڭ مىندەتى - ءبىز جاڭا مۇمكىندىكتەردى ىسكە اسىرعانشا قازىرگى ستراتەگيالىق تەجەۋ پوزيتسيامىزدى ساقتاۋ. سونىمەن بىرگە ءبىز تولىق جاۋىنگەرلىك قابىلەتتى ساقتاۋىمىز كەرەك، - دەدى توماس بيۋسسەر.
قۇرلىقتاعى كونتينەنتارالىق قاناتتى زىمىراندار مەن اۋە كۇشتەرى باسقاراتىن ستراتەگيالىق بومبالاۋشى ۇشاقتاردان، سونداي-اق تەڭىز فلوتى باسقاراتىن سۇڭگۋىر قايىقتارعا نەگىزدەلگەن بالليستيكالىق زىمىرانداردان تۇراتىن يادرولىق ۇشتىك ا ق ش- تىڭ قارسىلاستارىنا تاۋلىك بويى توسقاۋىل قويۋعا ارنالعان.
يادرولىق تريادانى قايتا كاپيتالداندىرۋ اسكەري-تەڭىز كۇشتەرىنىڭ فلوتىن «Columbia» كلاسىنداعى جاڭا بالليستيكالىق زىمىران سۇڭگۋىر قايىقتارمەن جانە «B-21 Raider» سياقتى جاڭا بومبالاۋشى ۇشاقتارمەن جاڭارتۋعا جانە ەسكىرگەن «Minuteman III» كونتينەنتارالىق بالليستيكالىق زىمىرانداردى جاڭا «Sentinel-دەرگە» اۋىستىرۋعا باعىتتالعان.
ا ق ش- تا كونگرەسس نازارىنا يادرولىق قارۋدى قولدانۋدىڭ جاڭارتىلعان ستراتەگياسى تۋرالى ەسەپ ۇسىنىلدى.
اۆتور
زارينا تۋعانبايەۆا
