ا ق ش- تا تابىلعان ءمايىت قازاقستان ازاماتى بولۋى مۇمكىن –س ءى م مالىمدەمەسى

بۇل تۋرالى ۆەدومستۆونىڭ رەسمي وكىلى ەرلان جەتىبايەۆ بريفينگ بارىسىندا ءمالىم ەتتى.

ونىڭ ايتۋىنشا، قازىرگى ۋاقىتتا امەريكالىق تاراپ مارقۇمنىڭ جەكە باسىن انىقتاۋ جانە وقيعانىڭ بارلىق ءمان-جايىن ناقتىلاۋ بويىنشا قاجەتتى راسىمدەردى جۇرگىزىپ جاتىر.

- قازاقستان رەسپۋبليكاسىنىڭ سىرتقى ىستەر مينيسترلىگى ا ق ش- تىڭ قۇزىرلى ورگاندارىنان دەنەسى تابىلعان ادامنىڭ بولجام بويىنشا قازاقستان ازاماتى ەكەنى جونىندە اقپارات الدى. قازىرگى كەزدە ا ق ش تاراپى ءتيىستى تەكسەرۋ جانە انىقتاۋ جۇمىستارىن جۇرگىزىپ جاتىر. قازاقستاندىق ديپلوماتتار ا ق ش- تىڭ قۇزىرلى ورگاندارىمەن جانە ازاماتتىڭ تۋىستارىمەن تۇراقتى بايلانىستا. ولارعا قاجەتتى كونسۋلدىق-قۇقىقتىق كومەك كورسەتىلىپ جاتىر، - دەدى ەرلان جەتىبايەۆ.

سونداي-اق ول امەريكالىق تاراپتان رەسمي مالىمەتتەر كەلىپ تۇسكەندە قوسىمشا اقپارات جاريالاناتىنىن ايتتى.

بۇعان دەيىن قازاقستاننىڭ سىرتقى ىستەر مينيسترلىگى ەل ازاماتىنىڭ ا ق ش- تا جوعالىپ كەتكەنى تۋرالى اقپاراتقا تۇسىنىكتەمە بەرگەن ەدى.