ا ق ش-تا پرەزيدەنت سايلاۋى باستالدى

استانا. KAZINFORM – ا ق ش-تا ەل ازاماتتارى كەلەسى پرەزيدەنتىن تاڭدايتىن سايلاۋ باستالدى. بۇكىل الەم بۇل ۇدەرىستى مۇقيات باقىلاپ وتىر، ويتكەنى سايلاۋ قورىتىندىلارى حالىقارالىق ارەناداعى كۇشتى ورنالاستىرۋدى وزگەرتۋى مۇمكىن، دەپ حابارلايدى Kazinform مەنشىكتى ءتىلشىسى.

ەل بويىنشا سايلاۋ ۋچاسكەلەرى 5-قاراشادا ءارتۇرلى ۋاقىتتا اشىلادى.

ۆەرمونت داۋىس بەرۋدى جەرگىلىكتى ۋاقىت بويىنشا تاڭعى ساعات 5-تە باستايتىن العاشقى شتات بولادى جانە ول 19:00-گە دەيىن جالعاسادى. ودان كەيىن تاڭعى ساعات 6:00-دە كوننەكتيكۋت، كەنتۋككي، مەن، نيۋ- دجەرسي، نيۋ- يورك جانە ۆيردجينيا شتاتتارىندا سايلاۋ ۋچاسكەلەرى اشىلادى. سولتۇستىك كارولينا، وگايو جانە باتىس ۆيردجينيا شتاتتارىندا سايلاۋ پروتسەسى تاڭعى 6:30-دا باستالادى. 37 شتاتتا جانە كولۋمبيا وكرۋگىندە سايلاۋ تاڭعى 7:00 مەن 10:00 ارالىعىندا باستالادى. ۆاشينگتون شتاتى مەن الياسكا تۇرعىندارى ساعات 11:00-دەن، گاۆاي حالقى ساعات 12:00-دەن داۋىس بەرە باستايدى.

امەريكالىق سايلاۋشىلار پرەزيدەنتتىككە التى ۇمىتكەردىڭ بىرىنە داۋىس بەرەدى. ولار كامالا حارريس (ۆيتسە- پرەزيدەنت، دەموكراتيالىق پارتيا)، دونالد ترامپ (بۇرىنعى پرەزيدەنت، رەسپۋبليكالىق پارتيا)، كورنەل ۋەست (فيلوسوفيا پروفەسسورى، جازۋشى، ءدىن مامانى، حريستيان سوتسياليستى، تاۋەلسىز كانديدات)، دجيلل ستاين (دارىگەر، جاسىلدار پارتياسى)، چەيز وليۆەر (بەلسەندى، ليبەرتارياندىق پارتيا) جانە كلاۋديا دە لا كرۋز (قوعامدىق بەلسەندى، شىركەۋ پاستورى، سوتسياليزم جانە ازاتتىق پارتياسى).

ا ق ش- تىڭ بارلىق ازاماتتارى داۋىس بەرۋ ءۇشىن وسى جىلدىڭ 15-قازانىنا دەيىن تىركەلۋى ءتيىس بولعان. داۋىس بەرۋگە تىركەلۋ ءۇشىن ا ق ش ازاماتى جانە داۋىس بەرەتىن شتاتتىڭ تۇراقتى تۇرعىنى بولۋى ءتيىس. سايلاۋشى كەم دەگەندە 18 جاستا، اقىل-ويى ساۋ جانە باسقا شتاتتا داۋىس بەرۋ ءۇشىن تىركەلمەگەن بولۋى شارت.

داۋىس بەرۋ بيۋللەتەندەرى اعىمداعى جىلدىڭ 16-قازانىنان باستاپ 22-قازانعا دەيىن پوشتا ارقىلى جىبەرىلدى جانە 5 -قاراشادا ساعات 20.00-دەن كەشىكتىرىلمەي جارامدى پوشتا شتەمپەلى جاپسىرىلىپ پوشتا ارقىلى قايتارىلۋى نەمەسە سايلاۋ كۇنى داۋىس بەرۋ جاشىگىنە تاستالۋى ءتيىس.

ەلدە داۋىس بەرۋ بارىسىن جۇزدەگەن حالىقارالىق باقىلاۋشى قاداعالاپ وتىر.

تۇرعىندار اراسىندا جۇرگىزىلگەن ساۋالنامانىڭ سوڭعى مالىمەتىنشە، ا ق ش ۆيتسە-پرەزيدەنتى دەموكرات كامالا حارريس سايلاۋ قارساڭىندا الەۋەتتى سايلاۋشىلار اراسىندا تانىمالدىعى بويىنشا بۇرىنعى رەسپۋبليكاشىل پرەزيدەنت دونالد ترامپتان ءتورت پايىزدىق تارماققا وزىپ كەتتى.

جۇرگىزگەن ساۋالناماعا سايكەس، حارريستى رەسپوندەنتتەردىڭ %51- ى، ال ترامپتى %47- ى قولدادى. تاعى 2 پايىزى باسقا كانديداتتارعا داۋىس بەردى.

ا ق ش- تاعى پرەزيدەنت سايلاۋى قازاقستانعا قالاي اسەر ەتەتىنى جايلى ماتەريالمەن مىنا سىلتەمە ارقىلى تانىسۋعا بولادى.

اۆتور

زارينا تۋعانبايەۆا