ا ق ش-تا ميگرانتتاردىڭ جاعدايى قيىندادى

استانا. قازاقپارات - دونالد ترامپ پرەزيدەنتىك قىزمەتىنە كىرىسە سالىسىمەن كوشى-قوندى رەتتەۋ جونىندەگى 20-عا جۋىق جارلىققا قول قويدى. سودان بەرى ەلدە كۇنىنە جۇزدەگەن رەيد جۇرگىزىلىپ، مەملەكەتكە زاڭسىز كىرگەن مىڭداعان ميگرانت قاماۋعا الىندى.

Белый дом заявил о начале депортации нелегальных иммигрантов
Фото: x.com/WhiteHouse

ءتىپتى ءتارتىپ بۇزباعاندار دا جاۋاپقا تارتىلىپ، ترامپتىڭ قاتاڭ ساياساتىنىڭ زاردابىن تارتىپ جاتىر. ا ق ش-تىڭ جاڭا بيلىگى زاڭسىز ميگراتسيامەن كۇرەستى كۇشەيتكەننەن بەرى، بوسقىنداردىڭ جاعدايى قيىندادى. پوليتسيا كوشەدە قۇجاتسىز جۇرگەندەرىن كورسە بىردەن ۇستاپ، قاماپ تاستايدى. ءىرى قالالاردا رەيدتەر كوبەيدى. وسى سەبەپتى ەلگە زاڭسىز كىرگەندەردىڭ زارە قۇتى قاشقان.

امەريكا ازاماتتىعىن الماعاندار دا ەرتە مە كەش پە ەلدەن شىعارىلامىز با دەپ الاڭدايدى. سوندىقتان كەي وتباسىلار بالالارىن مەكتەپكە جىبەرمەي وتىر.

بليتس:

- جاعداي كۇننەن كۇنگە ۋشىعىپ بارادى. ادامدار ابدەن قورقىپ قالعان. قازىر ءبارىمىز بىرىگىپ، ءبىر-بىرىمىزگە قولداۋ كورسەتۋىمىز كەرەك دەپ ويلايمىن.

- مەن وتباسىم، دوستارىم، تۋىستارىم ءۇشىن قاتتى الاڭدايمىن. دەپورتاتسيا تۋرالى ويلاسام تىپتەن ۋايىمعا باتىپ كەتەمىن. مۇندا ادال كاسىپ ەتىپ جۇرگەن ميگرانتتار دا كوپ ەمەس پە ؟ ولاردىڭ ءبارىن ۇستاپ ەلدەن قۋۋدان مەملەكەت ۇتا قويماس.

گوندۋراس ترامپ قىزمەتىنە كىرىسكەننەن كەيىن ءبىر اپتادان سوڭ ا ق ش-تان جەتى جارىم مىڭعا جۋىق زاڭسىز ميگرانت ۇستالىپ، ەلدەن شىعارىلدى. ولاردىڭ دەنى مەكسيكا، ۆەنەسەۋلا، گوندۋراس، گۆاتەمالا ازاماتتارى. ءبىراق كەيىنگى ۋاقىتتا دەپورتاتسيالاۋ قاراجات جەتىسپەۋشىلىگىنەن سايابىرلاعان. اقپارات قۇرالدارىنىڭ حابارلاۋىنشا، كەلىمسەكتەردى ءوز ەلىنە قايتارۋ ءۇشىن 86 ميلليارد دوللار قاجەت.

ا ق ش توم حومان، باس شەكاراشى:

- ميگرانتتار ماسەلەسىندە نەگىزىنەن ۇلتتىق قاۋىپسىزدىككە باسا ءمان بەرىلەدى. ەلدە زاڭسىز جۇرگەن ادام قوعامدىق ءتارتىپتى بۇزىپ، باسقا دا قاۋىپ-قاتەر ءتوندىرۋى مۇمكىن. سوندىقتان مۇنداي ازاماتتار بىردەن ۇستالىپ، زاڭعا ساي جاۋاپقا تارتىلۋى ءتيىس. ءبىراق قازىر ولاردى قاماۋدا ۇستاۋ ءۇشىن ارنايى ورىندار جەتىسپەيدى. جالپى 100 مىڭ ادامعا توسەك ورىن قاجەت.

ا ق ش- تا ترامپ اكىمشىلىگىنە دەيىن دە زاڭسىز ميگرانتتاردى دەپورتاتسيالاۋ جۇرگىزىلگەن. جەرگىلىكتى كوشى-قون پوليتسياسىنىڭ مالىمەتى بويىنشا، دجو بايدەن باسشىلىق ەتكەن جىلدارى ءبىر جارىم ميلليونعا جۋىق ميگرانتتى ماجبۇرلەپ دەپورتاتسيالاۋ تۋرالى بۇيرىق بەرىلدى. باراك وبامانىڭ كەزىندە 3 ميلليون ادام ەلدەن شىعارىلعان. ال سوڭعى دەرەككە سۇيەنسەك قازىر ا ق ش-تا 11 ميلليون ادام زاڭسىز تۇرىپ جاتىر.

ا ق ش-تا د. ترامپتىڭ كوشى-قون ساياساتىنا قارسى شەرۋ ءوتتى

ا ق ش-تىڭ لوس-اندجەلەس قالاسىندا پرەزيدەنت دونالد ترامپتىڭ زاڭسىز كوشى- قونمەن كۇرەس شارالارىنا قارسى جاپپاي شەرۋ ءوتتى. مەكسيكا تۋلارىن جەلبىرەتكەن ءبىر توپ بەلسەندى ولۆەر كوشەسىمەن ءجۇرىپ وتكەن. باسقا توپ كۇرەجولداردىڭ ءبىرىن جاۋىپ تاستادى. ەرەۋىلشىلەر اسىرەسە زاڭسىز ميگرانتتاردى دەپورتاتسيالاۋعا نارازى.

مۇنداي قارسىلىق اكسيالارى سان-ديەگو مەن داللاستا دا ءوتتى. «رەيتەردىڭ» مالىمەتى بويىنشا، 1 كۇندە 1200-گە دەيىن ميگرانت قاماۋعا الىنادى. بۇل بىلتىرعى كورسەتكىشتەن بىرنەشە ەسە كوپ. نيۋ- يورك جانە چيكاگو سياقتى ءىرى قالاردا دا جاپپاي تەكسەرىس ءجۇرىپ جاتىر.

سوڭعى جاڭالىقتار