ا ق ش-تا مۇحتار ماعاۋين اتىنداعى قازاق مادەني-اعارتۋ ورتالىعى اشىلادى

استانا. KAZINFORM – ا ق ش- تىڭ مەريلەند شتاتىندا قازاق ادەبيەتىنىڭ الداسپانى مۇحتار ماعاۋين اتىنداعى قازاق مادەني-اعارتۋ ورتالىعى اشىلادى، دەپ حابارلايدى 24kz.

سيلۆەر- سپرينگ مەكەنىندەگى جازۋشىنىڭ ءۇيى الداعى 3 جىلدا رۋحانيات ورتالىعىنا اينالدىرىلماقشى. بۇل جايلى قالامگەردىڭ تۋعان كۇنىنە وراي وتكىزىلگەن جيىندا ۇلى ەدىگە ماعاۋين حابارلادى. جوبانىڭ تانىستىرىلىمىنا ا ق ش-تاعى قازاق دياسپوراسى، سوندا ءبىلىم الىپ جۇرگەن جەرلەستەرىمىز قاتىستى. ولار جازۋشىنىڭ جازبالارى مەن كۇندەلىگىن جانە جەكە كىتاپحاناسىندا ساقتالعان مول مۇراعاتىمەن تانىستى.

ەستەرىڭىزگە سالا كەتەيىك، مۇحتار ماعاۋين بيىل 9-قاڭتار كۇنى 85 جاسقا قاراعان شاعىندا دۇنيەدەن وزىپ، ا ق ش- تىڭ مەريلەند شتاتىنداعى Parklawn Memorial زيراتىنا جەرلەنگەن ەدى.

ەدىگە ماعاۋين، مۇحتار ماعاۋيننىڭ ۇلى:

- الداعى ۋاقىتتا اتامىزدىڭ 100 جىلدىعى تويلاناتىن كەزدە بۇل جەر راسىندا مۇحيتتىڭ بەر جاعىنداعى امەريكاداعى قازاقتاردىڭ باس قوساتىن، قازاقتىعىن سەزىنەتىن، تامىرىن تانيتىن، بولاشاعىن مەڭزەيتىن قازاقتىڭ مادەني-اعارتۋ ورتالىعىنا اينالۋ كەرەك. ءارتۇرلى مادەني شارالار ۇيىمداستىرامىز دەپ ويلاپ وتىرمىن. بۇل جەردە قازاق ءتىلىن وقىتۋ كۋرستارىن ۇيىمداستىرۋ جوسپارى بار. قالاي بولعاندا دا بۇل جەر اكەمە ۇناعان جەر بولاتىن، تۇرعان جەرى دە، ءۇيدىڭ ىشىندەگى اتموسفەرا دا. الداعى ۋاقىتتا قازاق رۋحانياتىنىڭ ورتالىعىنا اينالۋى كەرەك دەپ ويلايمىن.