ا ق ش ءۇشىن ماڭىزدى پايدالى قازبالاردىڭ جارتىسىنا جۋىعى قازاقستاندا - دجۋلي ستاففت

استانا. KAZINFORM - ا ق ش- تىڭ قازاقستانداعى ەلشىسى لاۋازىمىنا ۇمىتكەر دجۋلي ستاففت امەريكا قۇراما شتاتتارىنىڭ ەكونوميكاسى مەن ۇلتتىق قاۋىپسىزدىگى ءۇشىن ماڭىزدى دەپ تانىلعان ماڭىزدى پايدالى قازبالاردىڭ جارتىسىنا جۋىعى قازاقستان اۋماعىندا بار ەكەنىن مالىمدەدى، دەپ حابارلايدى اقش سەناتىنىڭ حالىقارالىق قاتىناستار جونىندەگى كوميتەتى.

بۇل تۋرالى ول سەناتتىڭ حالىقارالىق ىستەر جونىندەگى كوميتەتىنىڭ تىڭداۋىندا مالىمدەدى. تىڭداۋ بارىسىندا مونتانا شتاتىنىڭ سەناتورى ستيۆ دەينس قازاقستان ۋران، ليتي، مىس، مىرىش جانە سيرەك جەر ەلەمەنتتەرى سياقتى ا ق ش پەن الەمدىك ەكونوميكا ءۇشىن ماڭىزدى تابيعي رەسۋرستارعا باي ەكەنىن اتاپ ءوتتى. وسىعان بايلانىستى سەناتور دجۋلي ستاففتتان ونىڭ كانديداتۋراسى بەكىتىلگەن جاعدايدا، ول قازاقستانعا امەريكالىق ينۆەستيتسيانى تارتۋعا قالاي ىقپال ەتە الاتىنىن سۇرادى.

- قازاقستان ءبىز ءۇشىن تەك بيزنەس-سەرىكتەس رەتىندە عانا ەمەس، ماڭىزدى پايدالى قازبالار سالاسىنداعى ىنتىماقتاستىق ءۇشىن دە ماڭىزدى. سەبەبى بۇل - ساۋدا ساياساتىنىڭ ماسەلەسى عانا ەمەس، ۇلتتىق قاۋىپسىزدىك ماسەلەسى. مەنىڭ مىندەتىم - امەريكالىق كومپانيالاردىڭ قازاقستانعا وسى سەكتورعا ينۆەستيتسيا سالۋىنا جاعداي جاساۋ، - دەپ جاۋاپ بەردى دجۋلي ستاففت.

بۇعان دەيىن دجۋلي ستاففتتىڭ ا ق ش-تىڭ قازاقستانداعى توتەنشە جانە وكىلەتتى ەلشىسى لاۋازىمىنا كانديداتۋراسى سەناتقا جىبەرىلگەنىن جازعان بولاتىنبىز.

دجۋلي ستاففت بۇعان دەيىن ا ق ش- تىڭ مولدوۆا، دجيبۋتي، رەسەي، ەفيوپيا جانە پولشاداعى ەلشىلىكتەرىندە جۇمىس ىستەگەن. سونداي-اق ۆيزالىق قىزمەتتەر جونىندەگى باسقارۋشى ديرەكتور قىزمەتىن اتقارعان.