بيىل 9 حالىقارالىق باعىت بويىنشا رەيستەر اشىلماق
بۇل تۋرالى ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى الماز ىدىرىسوۆ ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا اۋە كولىگىندەگى جولاۋشىلار اعىنى (كوروناۆيرۋس پاندەمياسىنىن كەيىن) قالپىنا كەلدى جانە وسى باعىتتا تۇراقتى ءوسىم بايقالىپ وتىر. 2022-جىلى 11 ميلليون جولاۋشى تاسىمالدانىپ، بۇل كورسەتكىش ونىڭ الدىنداعى جىلدىڭ دەڭگەيىنەن 17 پايىزعا ارتىق (9,4 ميلليون جولاۋشى). حالىقارالىق رەيستەر 28 مەملەكەتپەن ارادا اپتاسىنا 477 رەيس جيىلىگىمەن 104 اۋە باعدارى بويىنشا ورىندالادى. اۋە ساپارلارىن كوبەيتۋ تۇرعىسىندا ءتيىستى قادامدار ىسكە اسىرىلىپ، «اشىق اسپان» رەجيمى ەنگىزىلدى»، - دەدى ا. ىدىرىسوۆ سەناتتا ەلىمىزدەگى اۋە كولىگى ماسەلەلەرىنە قاتىستى جيىن بارىسىندا.
ونىڭ ايتۋىنشا، بيىل 9 دان استام باعىت بويىنشا رەيستەر اشىلماق. وسى ورايدا ماسكات، پاريج، كۋالا-لۋمپۋر، تەل-اۆيۆ، كاراچي، لاحور، سامارقاند، پراگا، مۋمباي سەكىلدى قالالار قامتىلماق.
بۇدان بۇرىن حابارلانعانداي، ءبىرقاتار شەتەلدىك اۆياكومپانيالار دا قازاقستانمەن اۋە قاتىناسىن جولعا قويۋدى جوسپارلاپ وتىر.
