جىل باسىنان 9 مىڭنان استام ازامات قانداس مارتەبەسىن الدى

نۇر-سۇلتان. قازاقپارات - قازاقستان تاۋەلسىزدىك العالى 1 ميلليوننان استام قانداس ەلگە ورالدى. بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم ەتتى، دەپ حابارلايدى قازاقپارات.

2022 -جىلعى 1-تامىزداعى جاعداي بويىنشا، جىل باسىنان 9077 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى.

جالپى 1991 -جىلدان بەرى رەسپۋبليكاعا 1 ميلليون 96,9 مىڭ ەتنيكالىق قازاق ورالدى.

«جىل باسىنان قازاقستانعا كەلگەن قانداستاردىڭ جارتىسىنان كوبى وزبەكستاننان (69,9 پايىز)، قىتايدان 10,3 پايىز، تۇرىكمەنستاننان 7,1 پايىز، موڭعوليادا 4,0 پايىز جانە باسقا ەلدەردەن 8,7 پايىز قونىس اۋداردى. ەتنيكالىق قازاقتار نەگىزىنەن الماتى (30,8 پايىز)، ماڭعىستاۋ (17,9 پايىز)، تۇركىستان (9,7 پايىز) جانە جامبىل (6,5 پايىز) وبلىستارىنا، سونداي-اق الماتى (5,7 پايىز)، نۇر- سۇلتان (7,2 پايىز) جانە شىمكەنت (8,0 پايىز) قالالارىنا قونىستاندى»، - دەلىنگەن مينيسترلىك حابارلاماسىندا.

ەلگە كەلگەن 9 مىڭنان استام قانداستىڭ 60,5 پايىز - ەڭبەككە قابىلەتتى جاستاعى ازاماتتار، 26,2 پايىز - ەڭبەككە قابىلەتتى جاستان كىشى، 13,3 پايىز - زەينەتكەرلەر. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 11,8 پايىز جوعارى ءبىلىمدى، 39,8 پايىز ورتا كاسىبي ءبىلىمدى، 46,7 پايىز جالپى ورتا ءبىلىمدى جانە 1,6 پايىز ءبىلىمى جوق.