قىتاي شەكاراسىندا 9 مىڭ كونتەينەر قاڭتارىلىپ تۇر - «اتامەكەن» ۇ ك پ
«اتامەكەن» ۇلتتىق كاسىپكەرلەر پالاتاسى ءتورالقاسىنىڭ ءتوراعاسى رايىمبەك باتالوۆ تىكەلەي ەفيردە وتكەن بريفينگىدە وسىنداي دەرەك كەلتىردى، دەپ حابارلايدى قازاقپارات ءتىلشىسى.
«قىتاي شەكاراسىنداعى جاعدايدى دا قاراپ جاتىرمىز. بۇگىنگە دەيىن بەلگىلى ءبىر وڭ وزگەرىستەر بولدى. سوندا دا 9000 كونتەينەر، 1800 جۇك كولىگى قاڭتارىلىپ تۇر. كەزەك تە تاعى 11 مىڭى تۇر. كوپ ماسەلە قىتاي تاراپىنا بايلانىستى ەكەنى تۇسىنىكتى. ولاردى قوزعاۋ ءۇشىن سىرتقى ىستەر مينيسترلىگى، ساۋدا جانە ينتەگراتسيا مينيسترلىگى بايلانىسىپ جاتىر»، - دەگەن پالاتا ءتورالقاسىنىڭ ءتوراعاسى بۇل پروبلەما العا جىلجۋى ءۇشىن ۇكىمەت ۇنەمى ارالاسىپ وتىرۋ قاجەتتىگىن ايتتى.
«ۇكىمەت ورگاندارى قايتادان باستامامەن شىعۋى كەرەك. ءبىزدىڭ تاراپتان دا ماسەلەلەر بار. سونىڭ ءبارى «قولمەن جۇمىس» رەجيمىندە شەشىلىپ جاتىر»، - دەدى رايىمبەك باتالوۆ.