قىزىلوردا وبلىسىندا تۇلەكتەردىڭ 98 پايىزى ەمتيحاندى قازاق تىلىندە تاپسىرماق
دەپ حابارلادى قازاقپارات.
جيىننىڭ العى سوزىندە وبلىس اكىمىنىڭ ورىنباسارى رۋسلان رۇستەموۆ وسى جىلدىڭ ۇستازدار مەن وقۋشىلار ءۇشىن جاڭالىققا تولى بولعانىن جەتكىزدى. اتاپ ايتقاندا، ۇ ب ت- نىڭ جاڭا فورماتى ەنگىزىلىپ جاتىر، قورىتىندى اتتەستاسيالاۋ جاڭالاندى، «بارشاعا ارنالعان تەگىن كاسىپتىك- تەحنيكالىق ءبىلىم» جوباسى باستالدى.
ساعاديەۆ سوزىندە ەلباسى جولداۋىنان تۋىندايتىن ماسەلەلەر مەن ءبىلىم جۇيەسىندەگى وزگەرىستەرگە كەڭىنەن توقتالدى. مينيستر ۇشتىلدىلىك، ونىڭ ىشىندە مەملەكەتتىك ءتىل جايىنا توقتالدى. ونىڭ ايتۋىنشا، بيىل ۇ ب ت- نى قازاقستاندىق تۇلەكتەردىڭ 80 پايىزى، سىربويىلىق بىتىرۋشىلەردىڭ 98 پايىزى قازاق تىلىندە تاپسىرۋعا نيەتتى. مينيسترلىك ورىس تىلىندە ءبىلىم بەرەتىن مەكتەپتەردە قازاق ءتىلىن وقىتۋدىڭ عىلىمي نەگىزدەلگەن، كوممۋنيكاتيۆتى ادىسكە سۇيەنگەن دەڭگەيلى باعدارلاماسىن ازىرلەدى. بۇل ادىستەمە بيىل جەكەلەگەن مەكتەپتەردە پيلوتتىق جوبا رەتىندە قولدانىسقا ەنگىزىلەدى. قازاقستاندا ءبىرىنشى رەت اۋىزەكى سويلەۋدى دامىتۋعا ارنالعان جيىلىك سوزدىك شىعارىلدى. مۇندا بۇرىنعىداي وقىپ، ءماتىن اۋدارۋ دەگەن بولمايدى.
اعىلشىن ءتىلىن ءبىلۋ - زامان تالابى. بيىل اعىلشىن تىلىندە ساباق بەرەتىن 5000 مۇعالىمدى 9-ايعا دەيىن تەرەڭدەتىلگەن كۋرستاردا وقىتۋ جوسپارلانعان بولاتىن. ونىڭ ورنىنا فيزيكا، حيميا، IT جانە بيولوگيا پاندەرىنەن ساباق بەرەتىن 12000 ادام جازىلىپ، قوسىمشا قارجىلاندىرۋ ماسەلەسى شەشىلدى. كەلەسى جىلى تاعى 12000 مۇعالىم ءبىلىمىن شىڭدايدى.
پاندەردى اعىلشىن تىلىندە وقۋ ەرىكتى تۇردە جۇرەدى، ول ءۇشىن اتا- انانىڭ جازباشا رۇقساتى كەرەك.
ساعاديەۆ وسى جىلى كوپ سۇراقتىڭ جاۋابى تابىلاتىنىن، اتاپ ايتقاندا، دايىندىق ۋاقىتى، وقىتۋ ساپاسى، مۇعالىمدەر مەن بالالاردىڭ دايىندىعى سىندى ماسەلەلەر شەشىلەتىنىن ايتتى. ويتكەنى اتالعان جۇمىستىڭ قورىتىندىسىنا ساي جوعارعى سىنىپتا 4 ءپاندى اعىلشىن تىلىندە وقىتۋ كەستەسىنە كوشۋ 2018 -جىلدىڭ اياعىندا اياقتالادى. كەزدەسۋدە مينيستر ءبىلىم سالاسى وكىلدەرىنىڭ سۇراقتارىنا جاۋاپ بەردى. ال ساپاردىڭ ەكىنشى كۇنىندە ءمينيستردىڭ ارال، قازالى، قارماقشى اۋداندارىنداعى اپاتتى مەكتەپتەردىڭ ورنىنا جاڭادان سالىنعان ءبىلىم وشاقتارىنىڭ اشىلۋ جانە سوڭعى قوڭىراۋ سالتاناتىنا قاتىسۋى جوسپارلانعان.
اۆتور: ەلۋباي اۋەزوۆ