جەڭىس قاسىمبەك: قىتايلىق كومپانيالاردا %95 قازاقستاندىقتار جۇمىس ىستەيدى

بۇل تۋرالى ق ر پرەمەر-ءمينيسترىنىڭ ورىنباسارى جەڭىس قاسىمبەك باياندادى، دەپ حابارلايدى قازاقپارات ءتىلشىسى.

ونىڭ ايتۋىنشا، 2010 -جىلدان باستاپ، شەتەلدىك ينۆەستيتسيالار جونىندەگى قازاقستاندىق ۋاكىلەتتى ورگاندار شامامەن 650 جوبانى قاراستىردى. ونىڭ ىشىندە ەۋروپالىق وداق ينۆەستورلارى - 185 جوبا ۇسىنعان، رەسەي فەدەراتسياسى -  11، تۇركيا – 80، قىتاي 55 جوبا ۇسىنعان.

«ۇسىنىلعان جوبالاردىڭ اراسىندا زاماناۋي تەحنولوگيالاردىڭ ترانسفەرتىن قامتاماسىز ەتەتىن، ق ر ازاماتتارى ءۇشىن جۇمىس ورىندارىن قۇرۋدى قامتاماسىز ەتەتەىن جوبالارعا باسىمدىق بەرىلەدى. وسى پرينتسيپتەرگە سۇيەنە وتىرىپ، كورسەتىلگەن مەرزىمدە 16,2 ميلليارد ا ق ش دوللارىنا 135 جوبا جۇزەگە اسىرىلدى. ونىڭ ىشىندە 133 جوبا – ە و ەلدەرىمەن بىرلەسىپ جۇزەگە اسىرىلدى. قىتاي حالىق رەسپۋبليكاسى دا كوپتەگەن ينۆەستورلاردىڭ ءبىرى رەتىندە 15 جوبانى قارجىلاندىردى جانە قازاقستان بيزنەسىمەن بىرىگىپ ىسكە قوستى»، - دەدى ج. قاسىمبەك.

قازىرگى ۋاقىتتا يندۋسترياليزاتسيا جانە ينۆەستيتسيالار سالاسىندا قازاقستان مەن قىتايدىڭ بىرلەسكەن 55 جوباسى قاراستىرىلعان.

«55 جوبانىڭ 15 ى اۋىل شارۋاشىلىعى، مەتاللۋرگيا، حيميا، مۇناي-گاز، كولىك جانە لوگيستيكا سىندى ەكونوميكانىڭ ءتۇرلى سەكتورلارىندا ىسكە قوسىلدى. جالپى 15 جوبا 3,9 ميلليارد ا ق ش دوللارىنا باعالانعان. قازىرگى ۋاقىتتا بۇل 15 جوبادا 4 مىڭعا جۋىق جاڭا جۇمىس ورىندارى اشىلدى. قىزمەتكەرلەردىڭ 95 پايىزى - قازاقستان ازاماتتارى»، - دەدى ج. قاسىمبەك.

ماسەلەن، «سارىارقااۆتوپروم» كومپانياسى قىتايدىڭ JAC اۆتوكولىكتەرىن شىعارۋمەن اينالىسادى. بۇل - قىتاي ينۆەستورلارىنا ءارى قاراي رەسەيگە، بەلارۋس، وزبەكستان نارىقتارىنا شىعاتىن الاڭ بولىپ وتىر. بۇل زاۋىتتا %100 قازاقستان ازاماتتارى جۇمىس ىستەيدى.

«تايىنشا ماي» كاسىپورنىن دا قىتاي قارجىلاندىرعانىمەن، قازاقستان ازاماتتارى جۇمىس ىستەيدى. جىل سوڭىنا دەيىن جوعارى تەحنولوگيالار قولدانىلاتىن تاعى 5 بىرلەسكەن جوبا ىسكە قوسىلادى. ماسەلەن، الماتىداعى قۇبىر شىعاراتىن ۇلكەن زاۋىت جىل سوڭىنا دەيىن اشىلادى. جالپى وسى كاسىپورىندار اياسىندا 20 مىڭعا دەيىن جاڭا جۇمىس ورىندارىن اشۋدى جوسپارلاپ وتىر. مۇندا دا 95% استام جۇمىس ورنى قازاقستاندىق ازاماتتارعا بەرىلەدى»، - دەپ ءوز ءسوزىن تۇيىندەدى جەڭىس قاسىمبەك.

بۇعان دەيىن پرەمەر-مينيستر ورىنباسارى قازاقستانعا ينۆەستيتسيا سالعان مەملەكەتتەر تۋرالى بايانداعان ەدى.

اۆتور: ايجان سەرىكجان قىزى