اي-92 بەنزين مەن ديزەل باعاسى 12-ساۋىردەن باستاپ وسەدى

استانا. قازاقپارات – ق ر ەنەرگەتيكا ءمينيسترىنىڭ مىندەتىن اتقارۋشى بولات اقشولاقوۆ ەلىمىزدە بەنزين مەن ديزەل وتىنىنىڭ باعاسى ءساۋىر ايىنىڭ قاي كۇنىنەن باستاپ وسەتىنىن ايتتى، دەپ حابارلايدى قازاقپارات ءتىلشىسى.

وسى ورايدا ول ءتيىستى بۇيرىقتىڭ جوباسى بۇگىن جاريالاناتىنىن ءمالىم ەتتى.

«بۇيرىق بۇگىن جاريالانسا، 12- ساۋىردەن باستاپ كۇشىنە ەنەدى. ياعني 12- ساۋىردەن قازاقستاندا بەنزين (اي-92 جانە اي-93) مەن ديزەل وتىنىنىڭ باعاسى وسەدى»، - دەدى ب. اقشولاقوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

بۇدان بۇرىن حابارلانعانداي، قازاقستاندا بەنزين مەن ديزەل وتىنىنىڭ باعاسى وسەدى.

وسى تۇرعىدا اي-92 جانە اي-93 ماركالى بەنزينگە باعا ليترىنە 182-187 تەڭگەدەن 205 تەڭگەگە دەيىن جەتكىزىلمەك، ءوسىم - %11. ديزەل وتىنىنىڭ باعاسى ليترىنە 295 تەڭگەنى قۇرايدى، ورتاشا ەسەپپەن ءوسىم - %20. قازىر وڭىرگە بايلانىستى باعا 230 تەڭگەدەن 260 تەڭگەگە دەيىن بولىپ تۇر.

ق ر ەنەرگەتيكا ءمينيسترىنىڭ مىندەتىن اتقارۋشى بولات اقشولاقوۆ ەلىمىزدە جانارماي باعاسىنىڭ وسۋىنە قانداي سەبەپتەر اسەر ەتىپ وتىرعانىن ايتتى.