ەكسپو اۋماعىنداعى تۇرعىن ۇيلەردىڭ قۇرىلىسى 90 پايىزعا دايىن
دەپ حابارلايدى قازاقپارات «بايتەرەك» ۇ ب ح» ا ق باسپا ءسوز قىزمەتىنە سىلتەمە جاساي وتىرىپ.
بۇگىن «بايتەرەك» ۇلتتىق باسقارۋشى حولدينگى» ا ق باسقارما ءتوراعاسى ەربولات دوسايەۆ قۇرىلىس بارىسىمەن تانىستى.
«بايتەرەك» حولدينگى ءوزىنىڭ ەنشىلەس ۇيىمى «بايتەرەك ديەۆەلوپمەنت» ا ق ارقىلى استانا قالاسىندا ەكسپو-2017 حالىقارالىق ماماندىرىلعان كورمە اۋماعىنداعى تۇرعىن ۇيلەردىڭ، ساۋدا- ويىن- ساۋىق ورتالىعىنىڭ قۇرىلىسىن ينۆەستيتسيالايدى. اۋدانى 107 مىڭ شارشى مەتر (1374 پاتەر) 42 تۇرعىن ءۇي سالىندى. ۇيلەرگە سىرتقى جانە ىشكى جەلىلەر قوسىلدى، پاتەرلەردى ىشكى ارلەۋ، ۇيلەردىڭ قاسبەتتەرىن ارلەۋ اياقتالدى، اۋماقتى كورىكتەندىرۋ جۇمىستارى ءجۇرىپ جاتىر. تۇرعىن ءۇي كەشەندەرىندە پاركينگتەر، سونداي- اق كوممەرتسيالىق ءۇي- جايلارعا ارنالعان اۋداندار كوزدەلگەن. قۇرىلىس- مونتاجداۋ جۇمىستارى كەستەگە سايكەس جۇرگىزىلۋدە»، - دەپ حابارلادى كومپانيانىڭ باسپا ءسوز قىزمەتى.
ايتا كەتەيىك، كورمە كەزىندە بۇل پاتەرلەر حالىقارالىق قوناقتاردى ورنالاستىرۋ ءۇشىن كورمەنىڭ ۇيىمداستىرۋشىلارىنا جالعا بەرىلەدى. كورمە اياقتالعاننان كەيىن نارىقتىق تالاپتارمەن تۇرعىن ۇيلەردىڭ ساتىلۋى جوسپارلانعان.
«جالپى اۋدانى 138 مىڭ شارشى مەتردى قۇرايتىن ساۋدا- ويىن- ساۋىق ورتالىعىنىڭ قۇرىلىسى اياقتالىپ قالدى. سىرتقى كوممۋنيكاتسيالار جەتكىزىلدى، ىشكى جەلىلەردى سالۋ، عيماراتتىڭ ىشكى جانە سىرتقى ارلەنۋى، سونداي- اق ىرگەلەس اۋماقتى كورىكتەندىرۋ جونىندەگى جۇمىستار ءجۇرىپ جاتىر»، - دەپ حابارلاپ وتىر دەرەككوز.
كومپانيانىڭ اقپاراتىنا سۇيەنسەك، كورمە اۋماعىنداعى تۇرعىن ۇيلەر مەن ساۋدا- ويىن ساۋىق ورتالىقتارى 2016 -جىلدىڭ 1 - جەلتوقسانىندا پايدالانۋعا بەرىلۋ كەرەك.
اۆتور: كەنجەكەي توقتامۇرات قىزى
