جارتى جىلدا مەملەكەتتىك بيۋدجەتكە 9,2 تريلليون تەڭگە ءتۇستى

«جارتى جىلدا مەملەكەتتىك بيۋدجەتكە 9,2 تريلليون تەڭگەدەن اسا كىرىس ءتۇستى نەمەسە % 102,3- كە ورىندالدى. رەسپۋبليكالىق بيۋدجەتكە 6,1 تريلليون تەڭگە ءتۇستى. جوسپار % 94,7- كە ورىندالدى، ال اتقارىلماعان بولىگى 343 ميلليارد تەڭگەنى قۇرادى»، - دەدى مينيستر ۇكىمەتتىڭ بۇگىنگى وتىرىسىندا.

ونىڭ ايتۋىنشا، سالىقتار بويىنشا جوسپاردىڭ 391 ميلليارد تەڭگەگە ورىندالماۋى نەگىزىنەن كورپوراتيۆتىك تابىس سالىعى، شيكى مۇنايعا ەكسپورتتىق كەدەن باجى جانە پايدالى قازبالاردى وندىرۋگە سالىناتىن سالىق ەسەبىنەن بولدى.

كورپوراتيۆتىك تابىس سالىعى بويىنشا جوسپاردىڭ ورىندالماۋى - 2023 -جىلدىڭ 6 ايىندا 296 ءىرى سالىق تولەۋشى بويىنشا مالىمدەلگەن اۆانستىق تولەمدەر سوماسىنىڭ وتكەن جىلعى كورسەتكىشتەن % 36- كە نەمەسە 128 ميلليارد تەڭگەگە ازايۋىمەن بايلانىستى.

«شيكى مۇنايعا ەكسپورتتىق كەدەن باجى بويىنشا جوسپاردىڭ نەگىزگى ورىندالماۋى ەكسپورتتىق كەدەن باجىنىڭ ناقتى قالىپتاسقان مولشەرلەمەسىنىڭ بولجامدى كورسەتكىشتەن % 13- كە تومەندەۋىمەن بايلانىستى بولدى. پايدالى قازبالاردى وندىرۋگە سالىناتىن سالىق بويىنشا جوسپاردىڭ ورىندالماۋىنا نەگىزگى ەكسپورتتىق تاۋارلار باعاسىنىڭ ورتا ەسەپپەن % 17- كە تومەندەۋى اسەر ەتتى»، - دەپ ءتۇسىندىردى قارجى ءمينيسترى.

اۆتور:

ايجان سەرىكجان قىزى