ەلوردالىق 8 مىڭنان استام دارىگەر شەتەلدە ءبىلىم الادى
بيىلعى جىلى ەل ىشىندە جانە ودان تىس جەرلەردە - يزرايل، وڭتۇستىك كورەيا، رەسەي، فينليانديا جانە كانادانىڭ جەتەكشى كلينيكالارىندا شامامەن 8 مىڭ ەلوردالىق دارىگەر مەن مەدبيكەنى وقىتۋ جوسپارلانىپ وتىر. ودان بولەك 70 مەديتسينا قىزمەتكەرى جاڭا مەديتسينالىق تەحنولوگيالاردى ەنگىزۋ بويىنشا ءبىلىم الادى.
سونداي- اق كورپوراتيۆتىك باسقارۋدى دامىتۋ ماسەلەلەرى بويىنشا 2017 -جىلى 4049 مەديتسينا قىزمەتكەرى دەنساۋلىق ساقتاۋ مەنەدجەرلەرىن وقىتۋ، مەديتسينالىق اعىلشىن ءتىلىن وقىتۋ، دياگنوستيكالاۋ مەن ەمدەۋدىڭ جوعارى تەحنولوگيالارىن ەنگىزۋ بويىنشا بىلىمدەرىن جەتىلدىردى، دەپ حابارلايدى قوعامدىق دەنساۋلىق باسقارماسى.
باسقارما باسشىلىعىنىڭ دەرەكتەرىنە سۇيەنسەك، بيىل ەلىمىزدە تۇڭعىش رەت 18 مەديتسينا قىزمەتكەرى نازاربايەۆ ۋنيۆەرسيتەتىنىڭ مەديتسينا مەكتەبىندە مەيىربيكەلىك مەنەدجمەنت باعدارلاماسى بويىنشا ءدارىس الدى. بۇل ءوز كەزەگىندە مەديتسينالىق كومەكتى دامىتۋعا قوسىمشا سەرپىن بەرەدى.
قازىرگى تاڭدا اكۋشەرلىك، شۇعىل كومەك، حيرۋرگيا، دەنساۋلىق ساقتاۋ مەنەدجمەنتى جانە ت. ب. مامانداردى ۇزدىكسىز وقىتۋ ءۇشىن ۇزدىك حالىقارالىق كلينيكالارمەن ىنتىماقتاستىق ماسەلەسى قاراستىرىلۋدا.
ايتا كەتۋ كەرەك، بىلىكتىلىكتى ارتتىرۋ بويىنشا جۇرگىزىلگەن جۇمىستاردىڭ ارقاسىندا قازاقستاندا العاش رەت وستەوسينتەز جانە كىشى جامباس سۇيەگىنىڭ سىنۋى بويىنشا ەكى وزىق وپەراتسيا جاساۋ ەنگىزىلدى.
اۆتور: داۋلەت ىزتىلەۋ
