پرەزيدەنت ساۋلەتشى جانداربەك مالىبەك ۇلىن 80 جاس مەرەيتويىمەن قۇتتىقتادى
نۇر-سۇلتان. قازاقپارات - مەملەكەت باسشىسى ساۋلەتشى جانداربەك مالىبەك ۇلىن 80 جاسقا تولعان مەرەيتويىمەن قۇتتىقتادى، دەپ حابارلايدى قازاقپارات.
بيىل - قازاقستاننىڭ مەملەكەتتىك رامىزدەرىنىڭ بەكىتىلگەنىنە 30 جىل. ال بۇگىن قازاقستان رەسپۋبليكاسى مەملەكەتتىك ەلتاڭباسىنىڭ اۆتورى، قوعام قايراتكەرى، بەلگىلى ساۋلەتشى جانداربەك مالىبەك ۇلى 80 جاسقا تولىپ وتىر.
پرەزيدەنت قاسىم-جومارت توقايەۆ جانداربەك مالىبەك ۇلىنىڭ مەرەيتويىمەن قۇتتىقتاپ، جىلى لەبىزى مەن ىزگى تىلەگىن جەتكىزدى.
«مەملەكەت باسشىسى ءوز قۇتتىقتاۋىندا ەلتاڭبا اۆتورىنىڭ تاۋەلسىز قازاقستان مەن ەلوردانى قۇرۋ جانە دامىتۋ ىسىندەگى سىڭىرگەن ەڭبەگىن اتاپ ءوتىپ، وعان زور دەنساۋلىق، شىعارماشىلىق شابىت جانە وتباسىنا باق-بەرەكە تىلەدى» دەلىنگەن حابارلامادا.
ايتا كەتەيىك، ناۋرىز مەيرامى قارساڭىندا قاسىم-جومارت توقايەۆ جانداربەك مالىبەك ۇلىن I دارەجەلى «بارىس» وردەنىمەن ماراپاتتاعان بولاتىن.
