كوروناۆيرۋس: 80 قازاقستاندىق اۋرۋحانادان شىعارىلدى

نۇر-سۇلتان. قازاقپارات – 6 - قاڭتارداعى جاعداي بويىنشا، قىتايدان كەلگەن قازاقستاندىق جانە شەتەلدىك ازاماتتاردان كوروناۆيرۋس بەلگىلەرى انىقتالعان جوق.

بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ايتتى ، دەپ حابارلايدى قازاقپارات ءتىلشىسى.

«قازىرگە دەيىن جالپى 110 ادام دەنە قىزۋىمەن جانە جرۆي بەلگىلەرىمەن اۋرۋحاناعا جاتقىزىلدى. ونىڭ ىشىندە 105 ناۋقاس جاڭا كورونوۆيرۋستىق ينفەكسياعا تەكسەرىلدى. كوروناۆيرۋس انىقتالعان جوق. 80 ادام ۇيلەرىنە قايتارىلدى. 30 ادام اۋرۋحانادا جاتىر»، - دەيدى دياس احمەتشارىپ.

ونىڭ ايتۋىنشا، ناۋقاستاردىڭ جاعدايى جاقسى.

«ۋحان قالاسىنان نۇر-سۇلتان، تاشكەنت جانە تۇمەن قالالارىنا ەۆاكۋاتسيالانعان ءبىزدىڭ جانە بەلارۋس پەن ارمەنيا ازاماتتارىنىڭ دەنساۋلىق جاعدايى جاقسى. ولار دەنساۋلىق ساقتاۋ مينيسترلىگىنىڭ تۇراقتى باقىلاۋىندا»، - دەيدى ول.