قاسىم- جومارت توقايەۆ مۇحتار ماعاۋيندى 80 جاسقا تولعان مەرەيتويىمەن قۇتتىقتادى

نۇر- سۇلتان. قازاقپارات - پرەزيدەنت قاسىم- جومارت توقايەۆ قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى، قازاق ادەبيەتىنىڭ اسا كورنەكتى وكىلى مۇحتار ماعاۋيندى 80 جاسقا تولعان مەرەيتويىمەن قۇتتىقتاپ، ىزگى تىلەگىن ارناپ، جەدەلحات جولدادى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook تەگى پاراقشاسىندا جازدى. مەملەكەت باسشىسى جازۋشىنىڭ ادەبيەت پەن عىلىمداعى ەڭبەگىن ەرەكشە اتاپ ءوتىپ، «ءسىز كورنەكتى جازۋشى ءارى زەردەلى زەرتتەۋشى رەتىندە ءتول ادەبيەتىمىزدىڭ دامۋىنا زور ۇلەس قوستىڭىز. قالامىڭىزدان تۋعان ءار شىعارماڭىزدا ۇلتتىق رۋح پەن ەلدىك مۇددە ايقىن كورىنىس تاپتى. حاندىق داۋىردەگى اقىن- جىراۋلارىمىزدىڭ مول مۇراسىن جاڭعىرتقان «قوبىز سارىنى» اتتى عىلىمي ەڭبەگىڭىز ءسوز ونەرىنىڭ تۇعىرىن ودان ءارى بيىكتەتە ءتۇستى. ايگىلى «الاساپىران» رومانى بۇگىندە ادەبيەتىمىز بەن تاريحىمىزدىڭ قىمبات قازىناسىنا اينالدى. تارتىمدى تۋىندىلارىڭىز ارقىلى قالىڭ وقىرماننىڭ ىستىق ىقىلاسىنا بولەنىپ كەلەسىز» دەپ باعالادى.

«ۇلتتى ۇيىستىرۋ جانە تاۋەلسىزدىگىمىزدى نىعايتۋ جولىنداعى ەسەلى ەڭبەگىڭىز - وسكەلەڭ ۇرپاق ءۇشىن ۇلگى- ونەگە. ءاردايىم مەرەيىڭىز ۇستەم بولسىن! سىزگە زور دەنساۋلىق، وتباسىڭىزعا باق- بەرەكە جانە شىعارماشىلىق تابىس تىلەيمىن!» دەلىنگەن جەدەلحاتتا.