ق ح ر تايجوۋ قالاسىندا 8- حالىقارالىق تۋريزم فەستيۆالىندە ەكسپو-2017 تانىستىرىلدى - فوتو
شارادا شاڭحاي قالاسى ق ر باس كونسۋلى جوشىحان قىراۋبايەۆ قازاقستاننىڭ تۋريستىك الەۋەتى، ەكونوميكانىڭ وسى سالاسىن دامىتۋ بويىنشا شارالار، الدا استانادا وتەتىن ەكسپو-2017 حالىقارالىق مامانداندىرىلعان كورمەسى جايىندا ايتتى.
ديپلومات قازاقستان تاۋەلسىز مەملەكەتتەر دوستاستىعى ەلدەرى اراسىندا العاشقى بوپ حالىقارالىق ەكسپو كورمەسىن وتكىزۋ قۇقىعىن العانىن اتاپ ءوتتى.
«وسى جوبانىڭ ارقاسىندا قازاقستان قوناقتاردى، تۋريستەردى، بيزنەسمەندەردى قۋانا قارسى الاتىن ەل رەتىندە كۇللى الەمگە تانىلدى. قازاقستان ەۋرازيالىق قۇرلىق كىندىگىندە ورنالاسقان. رەسپۋبليكا اۋماعى ارقىلى ازيا- تىنىق مۇحيت ءوڭىرىن تاياۋ، ورتا شىعىسپەن جانە ەۋروپامەن بىرىكتىرەتىن نەگىزگى ترانسقۇرلىقتىق مارشرۋتتار وتەدى. (.. .) 2017 -جىلدىڭ قازاقستانداعى قىتاي ءتۋريزمى جىلى دەپ جاريالانۋىنا بايلانىستى ءبىز ق ح ر- دان تۋريستەر كوپتەپ كەلەدى دەپ كۇتەمىز» ، - دەدى ول.
فەستيۆالعا تايجوۋ قالاسىنىڭ پارتيالىق جانە اتقارۋشى ورگاندارىنىڭ باسشىلىعى، شاڭحاي قالاسىندا اككرەديتتەلگەن شەتەل مەملەكەتتەرىنىڭ كونسۋلدىق مەكەمەلەرى مەن ساۋدا وكىلدىكتەرى، سونداي- اق جياڭسۋ پروۆينتسياسىنىڭ ءىرى كورپوراتسيا وكىلدەرى قاتىستى.
