استانا اۋەجايىن كەڭەيتۋ جۇمىستارى جىلىنا 7 ميلليون جولاۋشىنى قابىلداۋعا مۇمكىندىك بەرەدى
بۇل تۋرالى ورتالىق كوممۋنيكاتسيالار قىزمەتىندەگى بريفينگتە «ق ت ج» ۇ ك» ا ق لوگيستيكا جونىندەگى ۆيسە- پرەزيدەنتى قانات الپىسبايەۆ ءمالىم ەتتى.
«ق ت ج استانا اۋەجايىن قايتا جاساۋ جۇمىسىن جۇرگىزىپ جاتىر. بۇگىندە ينۆەستيتسيانىڭ جالپى كولەمى 60 ميلليارد تەڭگەگە جەتەدى. ءبىرىنشى كەزەكتەگى جۇمىستار جولاۋشىلاردى قابىلداۋ قۋاتتىلىعىن كەڭەيتۋگە باعىتتالعان»، - دەدى ول.
ق. الپىسبايەۆتىڭ سوزىنە قاراعاندا، بۇگىندە جولاۋشىلاردى قابىلداۋ قۋاتتىلىعى اۋەجايدا 3 ميلليونعا جۋىق ادامدى قۇراپ وتىر. ال جاڭا تەرمينالدىڭ قۇرىلىسى مەن قايتا جاساۋ شارالارى ونىڭ كولەمىن جىلىنا 7 ميلليون ادامعا دەيىن ۇلعايتۋعا مۇمكىندىك بەرەدى.
«جاڭا تەرمينال سالىنادى، سونىمەن قاتار ۇشۋ- قونۋ جولاقتارى مەن باسقارۋ جولدارىنا اۋقىمدى قايتا جوندەۋ جۇمىستارى جۇزەگە اسىرىلادى»، - دەپ ءتۇيدى ول.
اۆتور: رۋسلان عابباسوۆ
