قىتاي اۋماعىندا قازاقستاننىڭ 780 ازاماتى ءجۇر – س ءى م
بۇل تۋرالى قازاقپارات primeminister.kz سىلتەمە جاساپ.
ق ر دەنساۋلىق ساقتاۋ ءمينيسترى ەلجان ءبىرتانوۆتىڭ بەرگەن مالىمەتى بويىنشا، بۇگىنگى تاڭدا قازاقستاندا كوروناۆيرۋستىق ينفەكسيامەن سىرقاتتانۋ جاعدايلارى تىركەلمەگەن. ق ح ر- مەن مەملەكەتتىك شەكارا ارقىلى بارلىق وتكىزۋ پۋنكتتەرىندە سانيتارلىق- ەپيدەميولوگيالىق باقىلاۋ جۇمىستارى جالعاسۋدا، ونىڭ بارىسىندا وسى جىلدىڭ 6 - قاڭتارىنان باستاپ 21,8 مىڭ ادام قارالدى.
«وسى جىلدىڭ 5 - اقپانىنداعى جاعداي بويىنشا 104 ادام جوعارى تەمپەراتۋرامەن اۋرۋحاناعا جاتقىزىلدى، ولاردىڭ 71- ءى بۇگىندە اۋرۋحانادان شىعارىلعان. ستاتسيونارلاردا 33 ادام قالىپ وتىر، بارلىعىنا كوروناۆيرۋسقا قاتىستى زەرتتەۋ جۇرگىزىلدى - ناتيجەلەرى تەرىس»، - دەدى ەلجان ءبىرتانوۆ.
سونداي- اق تاياۋدا ۋحان قالاسىنان ەۆاكۋاتسيالانعان 83 وتانداسىمىز كارانتينگە جاتقىزىلعان ەدى. زەرتحانالىق تەكسەرۋلەر ەلگە ورالعانداردىڭ بويىندا دا كوروناۆيرۋستىق ينفەكسيانىڭ جوق ەكەنىن انىقتادى.
ءوز كەزەگىندە ق ر سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشيەۆ قازىرگى تاڭدا ق ح ر اۋماعىندا ق ر- نىڭ 780 ازاماتى، ونىڭ ىشىندە 559 ستۋدەنتى جۇرگەنىن حابارلادى. قازاقستانعا جەتكىزۋ تۋرالى 427 ادام ءوتىنىش بەرگەن، قالعاندارى ق ح ر- دا قالۋعا نيەت بىلدىرگەن. سىرتقى ساياسي ۆەدومستۆو ديپلوماتيالىق ارنالار ارقىلى ازاماتتارىمىزدى ەلگە اكەتۋدى ۇيىمداستىرۋ مۇمكىندىگىن پىسىقتاپ جاتىر.
وسى جىلدىڭ 3 - اقپانىنان باستاپ ق ح ر رەيستەرىنە بيلەتتەرى بار جولاۋشىلارعا اۆيابيلەتتەردى ساتىپ الۋ ورنى بويىنشا قايتارۋ نەمەسە قايتا رەسىمدەۋ جۇزەگە اسىرىلۋدا. بۇل جاعدايدا پروبلەما جوق، دەپ سەندىردى ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك كاماليەۆ.
سونداي- اق كوميسسيا وتىرىسىندا اتقارىلىپ جاتقان جۇمىستار تۋرالى ىشكى ىستەر ۆيتسە- ءمينيسترى ا. كالايچيدي، باس مەملەكەتتىك سانيتارلىق دارىگەر ج. بەكشين، الماتى، شىعىس قازاقستان وبلىستارى، نۇر- سۇلتان جانە الماتى قالالارى اكىمدەرىنىڭ ورىنباسارلارى باياندادى.
كەڭەستى قورىتىندىلاي كەلە، بەردىبەك ساپاربايەۆ كوروناۆيرۋستىڭ پايدا بولۋى مەن تارالۋىنا جول بەرمەۋ بويىنشا ءبىرقاتار ناقتى مىندەتتەردى بەلگىلەپ، بارلىق قىزمەتتەردىڭ جۇمىستى كۇشەيتىلگەن رەجيمدە جالعاستىرۋى قاجەت ەكەنىن اتاپ ءوتتى.
