ءبىلىم گرانتتارى كونكۋرسىنا 75 مىڭ ادام قاتىسىپ جاتىر
رەسپۋبليكالىق كوميسسيانىڭ قۇرامىنا مەملەكەتتىك ورگانداردىڭ، ۇلتتىق كاسىپكەرلىك پالاتاسىنىڭ، جوعارى وقۋ ورىندارى قاۋىمداستىعىنىڭ، قوعامدىق بىرلەستىكتەردىڭ، ق ر ب ع م ءبىلىم جانە عىلىم ماسەلەلەرى جانە بالا قۇقىقتارىن قورعاۋ جونىندەگى قوعامدىق كەڭەستىڭ، پەداگوگتار قاۋىمىنىڭ وكىلدەرى كىرەدى.
كوميسسيا وتىرىسىندا قازاقستان رەسپۋبليكاسىنىڭ جوعارى وقۋ ورىندارىنا قابىلداۋعا دايىندىق جۇمىسى قورىتىندىلانادى. جىل بويى مينيسترلىك ىرىكتەۋ ساپاسىن ارتتىرۋ جانە ستۋدەنتتەر كونتينگەنتىن قالىپتاستىرۋ بويىنشا ءبىرقاتار جۇيەلى جۇمىستار اتقارىلدى.
مەملەكەت باسشىسى ن. نازاربايەۆتىڭ «بەس الەۋمەتتىك باستاماسى» اياسىندا بيىل مەملەكەتتىك تاپسىرىستىڭ كولەمى 20 مىڭ گرانتقا ارتتىرىلدى. سونىڭ 11 مىڭى تەحنيكالىق باعىتتارعا، سونىڭ ىشىندە اقپاراتتىق تەحنولوگيالار، روبوت تەحنيكاسى جانە نانوتەحنولوگيالار سالالارىنا، 5 مىڭى ەڭبەك نارىعىندا قاجەتتىلىك بايقالىپ وتىرعان باسقا ماماندىقتارعا 3 مىڭى ماگيسترلەردى دايارلاۋعا، 1 مىڭى PhD دوكتورلارىن دايارلاۋعا باعىتتالدى. سونىمەن، جوعارى ءبىلىم گرانتتارىنىڭ سانى 53594-كە جەتتى. سونىڭ 5944- ءى كۇندىزگى وقىتۋدىڭ 1-كۋرسىنا، 2650- ءى ج و و دايىندىق بولىمدەرىنە قابىلداۋعا بولىنگەن.
كورسەتىلگەن باسىمدىقتاردى ەسكەرە وتىرىپ، 24737 گرانتتى تەحنيكالىق جانە تەحنولوگيالىق ماماندىقتارعا، 9499 گرانتتى پەداگوگيكالىق، 2785 گرانتتى اۋىل شارۋاشىلىعى جانە ۆەتەريناريا، 2700 گرانتتى مەديتسينالىق، 1450 گرانتتى گۋمانيتارلىق، 100 گرانتتى قۇقىق، 300 گرانتتى ونەر، 1780 گرانتتى الەۋمەتتىك عىلىمدار، ەكونوميكا جانە بيزنەس، 3246 گرانتتى تابيعي عىلىمدار، 2330 گرانتتى قىزمەت كورسەتۋ، 500 گرانتتى اسكەري ءىس جانە قاۋىپسىزدىك ماماندىقتارىنا ءبولۋ كوزدەلىپ وتىر.
سونىمەن قاتار مەملەكەتتىك تاپسىرىستى ورنالاستىرۋعا رۇقسات ەتىلگەن ج و و ءتىزىمى دە تولىعا ءتۇستى. ءبىلىم گرانتتارىن تاعايىنداۋ كونكۋرسىنا 75430 ادام قاتىسىپ جاتىر. سونىڭ 60327- ءسى قازاق تىلىندە ءبىلىم العىسى كەلەدى، 14810-ى ورىس تىلىندە وقۋعا نيەت بىلدىرگەن، ال اعىلشىن ءتىلىن 293 تالاپكەر قاجەتسىنىپ وتىر. «ماڭگىلىك ەل جاستارى - يندۋسترياعا!» جوباسىنىڭ اياسىندا ستۋدەنتتەردى وقىتۋ كۆوتاسى بويىنشا كونكۋرستا 5494 ادام ءبىلىمىن سىناپ كورەدى.
