ەلباسىنىڭ باستامالارى ب ۇ ۇ باس اسسامبلەياسىنىڭ 72-سەسسياسىندا ۇسىنىلاتىن بولدى
ءىس-شاراعا ءداستۇرلى تۇردە مەملەكەت جانە ۇكىمەت باسشىلارى، سىرتقى ىستەر مينيسترلەرى جانە ب ۇ ۇ- عا مۇشە مەملەكەتتەرىنىڭ جوعارى وكىلدەرى، وڭىرلىك جانە حالىقارالىق ۇيىمدار باسشىلارى، كورنەكتى ساياساتكەرلەر مەن ديپلوماتتار قاتىسادى.
72-سەسسياسىنىڭ تاقىرىبى - «ادامدارعا - ەرەكشە نازار: تىرشىلىككە قابىلەتتى پلانەتادا بارشا ءۇشىن بەيبىتشىلىك پەن لايىقتى ءومىر ءسۇرۋدى قامتاماسىز ەتۋگە تالپىنىس». قازاقستان اتىنان دەباتقا سىرتقى ىستەر ءمينيسترى قايرات ءابدىراحمانوۆ قاتىسادى.
س ءى م باسشىسى ب ۇ ۇ- عا مۇشە مەملەكەتتەردى تومەن بايىتىلعان ۋران بانكىنىڭ جانە يسلام ىنتىماقتاستىق ۇيىمىنىڭ ءبىرىنشى عىلىم جانە تەحنولوگيالار جونىندەگى استانا سامميتىنىڭ اشىلۋى بارىسىندا ۇسىنىلعان قازاقستان پرەزيدەنتى نۇرسۇلتان نازاربايەۆتىڭ باستامالارىمەن تانىستىرادى، جاھاندىق جانە وڭىرلىك قاۋىپسىزدىكتىڭ نەگىزگى ماسەلەلەرى بويىنشا قازاقستاننىڭ ۇستانىمىن تۇسىندىرەدى.
مينيستر «ەكسپو-2017» حالىقارالىق كورمەسىنىڭ قورىتىندىلارى مەن مۇراسى تۋرالى، ەلدىڭ ساياسي، ەكونوميكالىق جانە رۋحاني ومىرىندەگى جاڭعىرتۋ ۇدەرىستەرى تۋرالى ايتىپ شىعادى. سونىمەن قاتار، قازاقستان دەلەگاتسياسى ساپار بارىسىندا ءبىر توپ ەكىجاقتى جانە كوپجاقتى كونسۋلتاتسيالار وتكىزبەك.
