جەكەشەلەندىرۋ جوسپارىنا 721 ۇيىم ەنگىزىلگەن، ونىڭ 230 ى ساتىلدى
بۇگىنگى تاڭدا جەكەشەلەندىرۋ جوسپارىنا 721 ۇيىم ەنگىزىلگەن، ونىڭ ىشىندە 230 ى ساتىلىپ، تاعى 50 گە جۋىعى تاراتۋ نەمەسە قايتا ۇيىمداستىرۋ ساتىسىندا تۇر. بۇل رەتتە اكتيۆتەردى بالانستىق قۇننان تومەن ساتۋعا تىيىم سالۋ، ساتىپ الۋشى مەن ساتۋشىنىڭ ۇلەستەس بولۋىنا جول بەرمەۋ، ستراتەگيالىق ماڭىزدى نىساندارعا مەملەكەتتىك باقىلاۋدى ساقتاۋ بويىنشا زاڭنامالىق تۇزەتۋلەر پىسىقتالىپ جاتىر. وسىعان بايلانىستى جاڭا تاسىلدەر نەگىزىندە جەكەشەلەندىرۋ تىزبەسىن وزەكتەندىرۋ جۇرگىزىلدى. وسىلايشا، جەكەشەلەندىرۋ جوسپارىنا باسەكەلەستىك ورتاعا بەرۋ ەكونوميكاعا وڭ سەپتىگىن تيگىزەتىن جاڭا ۇيىمداردى ەنگىزۋ ۇسىنىلىپ وتىر. كومپانيالاردىڭ ءبىر بولىگىن «سامۇرىق- قازىنا» قورى پورتفەلدىك كومپانيالارىنىڭ IPO ارقىلى نارىققا شىعارۋ جوسپارلانعان. پرەمەر- مينيستر جەكەشەلەندىرۋدىڭ كەشەندى جوسپارىنا ۇسىنىلعان تۇزەتۋلەردى ماقۇلدادى.
