جىل باسىنان بەرى استانا قالاسىنىڭ بيۋدجەتىنە 72,6 ميلليارد تەڭگەدەن استام قاراجات ءتۇستى
بۇل تۋرالى ەلوردا ءماسليحاتىندا بيۋدجەت، ەكونوميكا، ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسيانىڭ وتىرىسىندا بەلگىلى بولدى، دەپ حابارلايدى astana.kz.
وتىرىس بارىسىندا استانا قالاسىنىڭ ەكونوميكا جانە بيۋدجەتتى جوسپارلاۋ باسقارماسى باسشىسىنىڭ ورىنباسارى گۇلنار ءجۇسىپوۆا باسقارمانىڭ ەلوردا بيۋدجەتىن قالىپتاستىرۋ جانە الەۋمەتتىك- ەكونوميكالىق دامۋدى قامتاماسىز ەتۋ ءۇشىن بيۋدجەت كىرىسىن ءتيىمدى جوسپارلاۋ مەن بولجاۋ بويىنشا جاساپ جاتقان جۇمىسى تۋرالى ايتتى.
- جەرگىلىكتى بيۋدجەت كىرىسىن بولجاۋ استانا قالاسىنىڭ الەۋمەتتىك- ەكونوميكالىق دامۋ بولجامدارى نەگىزىندە بيۋدجەت كىرىسىن بولجاۋ ادىستەمەسىنە سايكەس، قازاقستان رەسپۋبليكاسى بيۋدجەت جانە سالىق كودەكسىنىڭ، سونداي- اق باسقا دا نورماتيۆتىك قۇقىقتىق اكتىلەر جاعدايلارىن ەسەپكە الا وتىرىپ جۇرگىزىلەدى، - دەدى گۇلنار تەمىرحان قىزى.
ونىڭ ايتۋىنشا، بيىلعى جىلدىڭ قاڭتار- مامىر ايلارىندا استانا قالاسىنىڭ بيۋدجەتىنە 72 629,1 ميلليون تەڭگە نەمەسە ەسەپ بەرۋ كەزەڭىندەگى جوسپاردىڭ %103,2 ءتۇستى، بۇل وتكەن جىلدىڭ سايكەس مەرزىمىندەگى كورسەتكىشتەردەن 2 254,7 ميلليون تەڭگەگە ارتىق.
