بيىل ەلىمىزدەن 7,3 ميلليارد تەكشە مەتر گاز ەكسپورتتالادى
«اعىمداعى جىلدىڭ 9 ايىندا ەلىمىزدە 31,3 ميلليارد تەكشە مەتر گاز ءوندىرىلىپ، بىلتىرعى جىلدىڭ وسى كەزەڭىمەن سالىستىرعاندا كورسەتكىش 1,2 پايىزعا ارتتى. بۇل رەتتە گازدىڭ ەكسپورتى 5,3 ميلليارد تەكشە مەتردى قۇرادى. سونىمەن قاتار، اعىمداعى جىلى قازاقستاندا 41 ميلليارد تەكشە مەتر گاز ءوندىرۋ جوسپارلانىپ وتىر، بۇل رەتتە ەكسپورت 7,3 ميلليارد تەكشە مەترگە جەتپەك»، - دەيدى ۆ. شكولنيك.
ونىڭ ايتۋىنشا، گاز تاسىمالداۋ جۇيەسى بويىنشا 9 ايدا قازاقستان اۋماعىنان حالىقارالىق گاز ترانزيتى 70 ميلليارد تەكشە مەتردى قۇراعان.
«ال رەسپۋبليكانى گازبەن قامتاماسىز ەتۋ ماسەلەسىنە كەلسەك، سوڭعى 7 جىلدا گازداندىرۋ دەڭگەيى 42 پايىزدان 55 پايىزعا ارتتى. ەلدى مەكەندەردىڭ گازبەن قامتىلۋى 15 پايىزدان 25 پايىزعا ءوستى. بۇل جۇمىس جالعاسادى، ۇكىمەتكە ەلىمىزدىڭ گاز تاسىمالداۋ جۇيەسىن ودان ءارى دامىتۋ ستراتەگياسىن جولدادىق، بۇل قازىر بارلىق مەملەكەتتىك ورگاندارمەن كەلىسىلۋدە»، - دەيدى ۆ. شكولنيك.
اۆتور: قانات مامەتقازى ۇلى
