قانشا قازاقستاندىق «7-20-25» باعدارلاماسىمەن ءۇي الۋعا ءوتىنىم بەرگەنى انىقتالدى

نۇر-سۇلتان. قازاقپارات - «7-20-25» تۇرعىن ءۇي باعدارلاماسى بويىنشا قازاقستاندىقتار 142 مىڭعا جۋىق ءوتىنىم جولدادى.

بۇل تۋرالى ق ر ۇلتتىق بانكىنەن ءمالىم ەتتى، دەپ حابارلايدى قازاقپارات.

«بيىلعى 28- ساۋىردەگى جاعداي بويىنشا، «7-20-25» باعدارلاماسىن ىسكە اسىرۋ اياسىندا 1,8 تريلليون تەڭگە نەسيە الۋعا 141769 ءوتىنىم قابىلداندى. ونىڭ ىشىندە 819 ميلليارد تەڭگەگە 62852 ءوتىنىم ماقۇلداندى» - دەلىنگەن حابارلامادا.

اتالعان تۇرعىن ءۇي باعدارلاماسى بويىنشا «قازاقستاننىڭ ورنىقتىلىق قورى» ا ق- نىڭ 77272272025+ نومىرىنە تاۋلىك بويى حابارلاسۋعا بولادى.

سونىمەن قاتار يپوتەكالىق ۇيىمنىڭ رەسمي ينتەرنەت-رەسۋرسىندا قوسىمشا اقپارات ورنالاستىرىلعان.