جاڭا «7-20-25» باعدارلاماسى اياسىنداعى ەڭ قىمبات باسپانالار استانادا
بۇل قازاقستان بويىنشا ەڭ جوعارعى باعا.
سونىمەن بىرگە، اتىراۋ قالاسىنىڭ تۇرعىندارى الماتىعا قاراعاندا قىمباتىراق باسپانالاردى تاڭداپ جاتقانى انىقتالدى. اتىراۋ بويىنشا «7-20-25» باعدارلاماسى اياسىندا تاڭدالعان پاتەردىڭ ورتاشا باعاسى 13480000 تەڭگە بولسا، الماتىلىقتار شامامەن 12900000 تەڭگەلىك پاتەرلەردى دۇرىس كورەدى. الايدا، باعدارلاماعا قاتىسۋشىلار سانى جاعىنان الماتىلىقتار الدا كەلەدى.
باعدارلاما اياسىندا تاپسىرىس بەرىلگەن باسپانانىڭ ەڭ ارزانى قوستانايدا. قوستانايداعى ءۇيدىڭ ورتاشا باعاسى 7400000 تەڭگەنى قۇرايدى. ارزان باسپاناسىمەن ماقتانا الاتىن وڭىرلەردىڭ قاتارىندا اقتاۋ (باسپانانىڭ ورتاشا باعاسى - 7900000 تەڭگە) مەن اقمولا وبلىسى (باسپانانىڭ ورتاشا باعاسى - 8170000 تەڭگە) دا بار.
25- تامىز كۇنگى مالىمەت بويىنشا، 1803 ازامات «7-20-25» باعدارلاماسىنا قاتىسۋعا نيەت ءبىلدىرىپ، 21,3 ميلليارد تەڭگە سوماسىنا تاپسىرىس بەرگەن. ونىڭ ىشىنەن 14 ميلليارد تەڭگە سوماسىنا 1190 ازاماتتىڭ ءوتىنىشى ماقۇلداندى.
قازىرگى تاڭدا، «7-20-25» باعدارلاماسى اياسىندا سەنتركرەديت بانكى، ا ت ف بانك، سەسنابانك، Bank RBK مەن ەۋرازيالىق بانك حالىققا نەسيە بەرۋدە.
