اسقار ءماميننىڭ ب ا ءا- گە ساپارى: بىرلەسكەن جاڭا جوبالار 6 ميلليارد دوللاردان اسادى
ابۋ- دابي قالاسىندا ۇكىمەت باسشىسى ب ا ءا پرەمەر- ءمينيسترىنىڭ ورىنباسارى، پرەزيدەنت ىستەرى جونىندەگى مينيستر شەيح مانسۇر بەن زايد ءال ناحايانمەن، سونداي- اق Abu Dhabi Developmental Holding Company (ADQ) حولدينگتەرى جانە مەملەكەتتىك دامۋ ينستيتۋتتارى مەن ب ا ءا- ءنىڭ باسقا دا جەتەكشى كومپانيالارىنىڭ باسشىلىعىمەن كەلىسسوز جۇرگىزدى. تاراپتار ساۋدا- ەكونوميكالىق، قارجى- ينۆەستيتسيالىق، ەنەرگەتيكا، كولىك- لوگيستيكا، اگروونەركاسىپ جانە باسقا دا سالالارداعى بۇعان دەيىن قول جەتكىزىلگەن ۋاعدالاستىقتاردى ىسكە اسىرۋ بارىسىن جانە ەكىجاقتى ىنتىماقتاستىق پەرسپەكتيۆاسىن تالقىلادى.
قازىرگى ۋاقىتتا امىرلىك كومپانيالارى قازاقستاندا جالپى قۇنى 3,5 ميلليارد دوللاردان اساتىن 11 ءىرى ينۆەستيتسيالىق جوبانى ىسكە اسىرۋعا قاتىسۋدا. وتكىزىلگەن كەلىسسوزدەر قورىتىندىسى بويىنشا ەكونوميكانىڭ باسىم سالالارىندا جوبالاردى دامىتۋ بويىنشا ۇزاق مەرزىمدى ستراتەگيالىق ارىپتەستىك ورناتۋ جونىندەگى ۇكىمەتارالىق كەلىسىمگە قول قويىلدى. قۇجات ق ر ۇلتتىق ەكونوميكاسىنىڭ ەنەرگەتيكالىق، اگروونەركاسىپتىك، كولىك- لوگيستيكالىق، فارماتسيەۆتيكالىق جانە قارجى سەكتورلارىنداعى جوبالاردى ىسكە اسىرۋعا باعىتتالعان، ينۆەستيتسيالاردىڭ جالپى كولەمى 6 ميلليارد دوللاردان اسادى. كەلىسىمدى ىسكە اسىرۋداعى قازاقستاننىڭ نەگىزگى ارىپتەسى وڭدەۋ جانە ءوندىرۋ ونەركاسىبى، اوك، كولىك جانە لوگيستيكا، قارجى، تۋريزم، مەديا جانە ەنەرگەتيكا سياقتى سەكتورلاردا كەڭىنەن ۇسىنىلعان ابۋ- دابي ADQ ەگەمەن قورى بولادى. قوردىڭ باسقارۋىندا 175 ميلليارد دوللاردان استام كولەمدەگى اكتيۆتەر بار.
كەلىسىم اياسىندا «سامۇرىق- قازىنا» اق ADQ- مەن ستراتەگيالىق ىنتىماقتاستىق ورناتىپ، جاڭارتىلاتىن جانە ءداستۇرلى ەنەرگەتيكانى دامىتۋ جونىندەگى بىرلەسكەن ەنەرگەتيكا حولدينگىن قۇرۋعا نيەتتى. ق ر- دا قۋاتى 5 گۆت بولاتىن كۇن، جەل جانە سۋ ەلەكتر ستانتسيالارىن سالۋ بويىنشا بىرلەسكەن جوبالاردى جانە ت. ب. ىسكە اسىرۋ جوسپارلانۋدا.
«Kazyna Capital Management» اق جانە ADQ ءىت، قارجى تەحنولوگيالارى، اگروتەح، B2B جانە C 2B ، تەلەكوممۋنيكاتسيالار، ازىق- تۇلىك ونىمدەرىن ءوندىرۋ تەحنولوگيالارى، پلاتفورمالىق شەشىمدەر جانە تسيفرلىق ترانسفورماتسيا جانە وزگە دە سالالاردا بىرلەسكەن ستارتاپ- جوبالاردى قارجىلاندىرۋ ءۇشىن 100 ميلليون دوللارعا بىرلەسكەن ۆەنچۋرلىق قور قۇرادى.
ADQ ق ر- دا كوتەرمە- تاراتۋ ورتالىقتارى جەلىسىنىڭ قۇرىلىسىنا قاتىسادى. كومپانيا سونداي- اق قازاقستاننىڭ ەتتى مال شارۋاشىلىعى، قۇس شارۋاشىلىعى جانە جەمىس باعبانشىلىعىندا ءبىرقاتار ءىرى جوبانى ىسكە اسىرۋ مۇمكىندىگىن قاراستىرۋدا.
«س ق- فارماتسيا» ج ش س مەن Rafed ق ر فارماتسيەۆتيكا ونەركاسىبىن دامىتۋدا ىنتىماقتاستىق ورناتادى. ساپار اياسىندا شىعىس قازاقستان وبلىسىنىڭ اكىمدىگى، Sembol جانە Abu Dhabi Fund for Development كومپانيالارى ق ر ش ق و- دا «كاتونقاراعاي» تۋريستىك كەشەنى قۇرىلىسىنىڭ جوباسىن جۇزەگە اسىرۋ بويىنشا ىنتىماقتاستىقتىڭ بازالىق شارتتارى تۋرالى كەلىسىمگە قول قويدى.
ق ر اۋىل شارۋاشىلىعى مينيسترلىگى مەن ءباا كليماتتىڭ وزگەرۋى جانە قورشاعان ورتا مينيسترلىگى اراسىندا، سونداي- اق ا ح ق و مەن Abu Dhabi Global Market (ADGM) قارجى ورتالىعى مەن Abu Dhabi Securities Exchange (ADX) بيرجاسى اراسىندا ءوزارا تۇسىنىستىك تۋرالى مەموراندۋمدارعا قول قويىلدى. سونىمەن قاتار، ساپار اياسىندا قازاقستان مەن ب ا ءا پوشتا قىزمەتتەرى «ەستەلىك جانە مەرەيتويلىق داتالار» سەرياسىمەن «قازاقستان رەسپۋبليكاسىنىڭ تاۋەلسىزدىگىنە 30 جىل. بىرىككەن اراب امىرلىكتەرىنىڭ قۇرىلعانىنا 50 -جىل» تاقىرىبىنداعى ەكى پوشتا ماركاسىن بىرلەسىپ شىعارۋدى جۇزەگە اسىردى.
دۋباي قالاسىندا ۇكىمەت باسشىسى «EXPO 2020 DubaI « حالىقارالىق كورمەسىنە بارىپ، وندا قازاقستان، ب ا ءا، ر ف جانە تاعى باسقا ۇلتتىق پاۆيلوندارمەن تانىستى. جۇمىس ساپارىنا ۇلتتىق ەكونوميكا ءمينيسترى اسەت ەرعاليەۆ، اۋىل شارۋاشىلىعى ءمينيسترى ەربول قاراشوكەيەۆ، ادىلەت ءمينيسترى مارات بەكەتايەۆ، شىعىس قازاقستان وبلىسىنىڭ اكىمى دانيال احمەتوۆ، «سامۇرىق- قازىنا» ا ق باسقارما ءتوراعاسى الماسادام ساتقاليەۆ، ستراتەگيالىق جوسپارلاۋ جانە رەفورمالار اگەنتتىگى ءتوراعاسىنىڭ ورىنباسارى جاسلان ماديەۆ، ەنەرگەتيكا ءبىرىنشى ۆيتسە- ءمينيسترى مۇرات جۇرەبەكوۆ، ب ا ءا- دەگى ق ر ەلشىسى ماديار مەڭىلبەكوۆ، ق ر ىسكەرلىك توپتارىنىڭ وكىلدەرى جانە وزگەلەر قاتىستى.
